2017/HC-A/216

މުޖުތަމަޢުގެ ހަމަޖެހުމާއި ސަލާމަތާއި ރައްކާތެރިކަމަށްޓަކައި ތުހުމަތުކުރެވޭ ފަރާތް 15 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރުކުރިއެވެ.

ރިޝްވަތު ދިނުމާއި ޤާނޫނާ ޚިލާފަށް ސަރުކާރު ވައްޓާލަން މަސައްކަތްކުރުމުގެ ތުހުމަތުގައި ޕްރޮސިކިއުޓަރ ޖެނެރަލްގެ އެދުމަށް ނެރުނު ހައްޔަރުކުރުމުގެ އަމުރަކުން ހައްޔަރުކުރުމަށްފަހު، ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހުށަހެޅިއެވެ.

އިސްތިއުނާފުކުރި ފަރާތުން ބުނީ ހައްޔަރުކުރުމުގެ އަމުރު ނެރުއްވި ފަނޑިޔާރު ބަންދުގެ މަޖިލީހުގައި އިންނެވުމަކީ މަޞްލަޙަތު ތަޢާރުޟުވުމެއް ކަމަށާއި، ޤާނޫނު ނަންބަރު 5/2013 ގެ 13(ހ) އާ ޚިލާފަށް ޕީޖީގެ އެދުމެއް ނެތި އަމުރު ނެރުނު ކަމަށާއި، ބަންދަށް ހެކި ނެތް ކަމަށާއި، ހުޅުވާލެވިފައިވާ ޝަރީޢަތުގެ ޙައްޤު ގެއްލިފައިވާ ކަމަށެވެ.

ރިޝްވަތު ދިނުމާއި ޤާނޫނާ ޚިލާފަށް ސަރުކާރު ވައްޓާލަން މަސައްކަތްކުރުމުގެ ތުހުމަތުގައި 15 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން ނެރުއްވި އަމުރު، ފަނޑިޔާރުގެ މަޞްލަޙަތު ތަޢާރުޟުވުމާއި، ޤާނޫނު ނަންބަރު 5/2013 ގެ 13 ވަނަ މާއްދާގެ އިޖުރާއާތާއި، ބަންދަށް ބޭނުންވާ ހެކީގެ މިންވަރާއި، ހުޅުވާލެވިފައިވާ ޝަރީޢަތުގެ ޙައްޤާ ޚިލާފުވެފައިވޭތޯ.

އިސްތިއުނާފު ބާޠިލް، ކްރިމިނަލް ކޯޓުގެ ބަންދުގެ އަމުރު ޤާއިމް

މަޞްލަޙަތު ތަޢާރުޟުވާ ސަބަބެއް ސާފުކޮށްދެވިފައި ނުވާކަމަށާއި، 13(ހ) ގެ އިޖުރާއާތު ބަންދުގެ އަމުރަށް ނުހިނގާނެކަމަށާއި، ތުހުމަތު އުފެދޭ މިންވަރުގެ ހެކި ހުށަހެޅިފައިވާތީ ބަންދަކީ ފަނޑިޔާރުގެ ބާރުގެ ތެރެއިން ކުރެވުނު ކަމެއް ކަމަށާއި، މަޖިލިސް ހުޅުވައިނުލުމަކީ 42(ނ) ގެ އިޚްތިޔާރުގެ ތެރެއިން ކުރެވުނު ކަމެއް ކަމަށް ހައިކޯޓުން ކަނޑައެޅިއެވެ.