ޕްރޮސިކިއުޓަރ ޖެނެރަލްގެ އޮފީސް ވ. ޢަލީ ފައިރޫޒު

ކްރިމިނަލް ކޯޓުން ކޯޓަށް ހާޟިރުނުވެދާނެ ކަމަށްޓަކައި ތުހުމަތުކުރެވޭ ފަރާތް 15 ދުވަހަށް ގޭގައި ބަންދުގައި ބެހެއްޓުމަށް އަމުރުކުރިއެވެ.

މަސްތުވާތަކެތި ގެންގުޅެ ވިޔަފާރިކުރާ މައްސަލައެއްގައި ތުހުމަތުކުރެވޭ ފަރާތުގެ ހަށިގަނޑުން މަސްތުވާތަކެތިކަމަށް ޝައްކުކުރެވޭ އެއްޗެއް ފެނުމުން ހައްޔަރުކުރިއެވެ. މިނިސްޓްރީ އޮފް ހޯމް އެފެއަރޒުން ކަނޑައަޅާ ތަނެއްގައި ބަންދުގައި ބެހެއްޓުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޤަވާއިދުގެ 7 (ހ) އާ ޚިލާފު އަމުރެއް ކަމަށާއި، 2010/SC-A/19 ގެ 9 ވަނަ ނުކުތާގައިވާ އުޞޫލުތަކަށް ރިޢާޔަތްނުކޮށް ނެރުނު އަމުރެއް ކަމަށެވެ.

މަސްތުވާތަކެތީގެ ވިޔަފާރީގެ ތުހުމަތުގައި ތުހުމަތުކުރެވޭ ފަރާތް ގޭގައި ބަންދުގައި ބެހެއްޓުމަށް ކްރިމިނަލް ކޯޓުން ނެރުނު އަމުރު، ޤާނޫނުއަސާސީގެ 49 ވަނަ މާއްދާއާއި ބަންދާމެދު ގޮތެއް ނިންމުމުގެ ޤަވާއިދުގެ 7 (ހ) އާ ޚިލާފުވާތީ، މިނިސްޓްރީ އޮފް ހޯމް އެފެއަރޒުން ކަނޑައަޅާ ތަނެއްގައި ބަންދުގައި ބެހެއްޓުމަށް ބަދަލުކުރަންޖެހޭތޯ.

އިސްތިއުނާފު ބާޠިލް، ކްރިމިނަލް ކޯޓުގެ އަމުރު ޤާއިމް

ތަޙުޤީޤު ފުރިހަމަކުރެވިފައިވާކަމާއި، ވިޔަފާރީގެ މަސްތުވާތަކެތީގެ ތެރެއިން ތުހުމަތުކުރެވޭ ފަރާތާ ގުޅުމެއް ތަޙުޤީޤަށް ފާހަގަކުރެވިފައިނުވާތީ، ޝަރުޠުތަކާއެކު ގޭގައި ބަންދުގައި ބެހެއްޓުމުގެ ނިންމުން ބަދަލުކުރުމުގެ ޟަރޫރަތެއް ނެތެވެ.