ޢަބްދުالله ޢުމަރު ވ. ޕްރޮސިކިއުޓަރ ޖެނެރަލްގެ އޮފީސް

ކުޅުދުއްފުށީ މެޖިސްޓްރޭޓް ކޯޓުން، ތަޙްޤީޤަށް ލިބިފައިވާ ބަޔާންތަކާއި ކުރިއެރުމަށް ބަލާއިރު ދޫކޮށްލައިފިނަމަ މުޖުތަމަޢުގެ ސަލާމަތަށް ނުރައްކަލެއް ކުރިމަތިވެދާނެތީ، މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުކޮށްފައި ބެހެއްޓުމަށް އަމުރުކުރިއެވެ.

ކުޑަކުއްޖަކާމެދު ޖިންސީ ކުށެއް ކުރިކަމުގެ ތުހުމަތުގައި ބަންދުގައިވާ އިސްތިއުނާފުކުރި ފަރާތުގެ ބަންދުގެ މުއްދަތު އިތުރުކުރުމަށް ފުލުހުން ކުޅުދުއްފުށީ މެޖިސްޓްރޭޓް ކޯޓަށް އެދުނެވެ.

އިސްތިއުނާފުކުރި ފަރާތުން ބުނީ، ޤާނޫނު ނަންބަރު 12/2009 ގެ 32 އާއި 33 ވަނަ މާއްދާގެ ދަށުން ފުލުހުން ފުރިހަމަކުރަންޖެހޭ އިޖުރާއާތު ފުރިހަމަނުކޮށް، ހެކި ޤަރީނާއާއި ޙާލަތަށް ރިޢާޔަތްނުކޮށް އަމުރު ނެރުނު ކަމަށެވެ.

ކުޑަކުއްޖަކާމެދު ޖިންސީ ކުށެއްގެ ތުހުމަތުގައިވާ ފަރާތެއް މުޖުތަމަޢުގެ ސަލާމަތަށްޓަކައި ބަންދުގައި ބެހެއްޓުމަށް ނެރުނު ކޯޓު އަމުރު، ޤާނޫނު ނަންބަރު 12/2009 ގެ ދަށުން ފުލުހުން ފުރިހަމަކުރަންޖެހޭ އިޖުރާއާތު ފުރިހަމަނުކޮށް، ހެކި ޤަރީނާއަށް ރިޢާޔަތްނުކޮށް ނެރުނު އަމުރެއްތޯ.

އިސްތިއުނާފު ބަލައިނުގަނެ، މެޖިސްޓްރޭޓް ކޯޓުގެ އަމުރު ޤާއިމް

ފުލުހުން ތުހުމަތެއް އުފެދޭ މިންވަރުގެ ހެކި ޤަރީނާ ހުށަހަޅާފައިވާއިރު، މުޖުތަމަޢުގެ ސަލާމަތަކީ ބަންދުގައި ބެހެއްޓޭނެ ސަބަބެކެވެ. އަދި ފުލުހުން އެދިފައިވަނީ ތަޙްޤީޤު ނުވަތަ ޝަރީޢަތް ނިމެންދެން ބަންދުކުރުމަށް ނޫންކަމުން ޤާނޫނު ނަންބަރު 12/2009 ގެ އިޖުރާއާތު މި ޙާލަތަށް ނުހުއްޓެވެ.