2016/HC-A/98

ސިވިލް ކޯޓުން އެއްބަސްވުން ބާޠިލްވެއްޖެކަމަށް ކަނޑައަޅައި، 100,000 ރުފިޔާ އަނބުރާ ދިނުމަށް ޙުކުމްކޮށް، ގެއްލުމުގެ ބަދަލުގެ ގޮތުގައި ހުށަހެޅި ކަންކަމަކީ ދަޢުވާކުރާ ފަރާތަށް މަންފާ ލިބެނިވި ކަންކަންކަމުން ބަދަލު ނަގައިނުދެވޭނެކަމަށް ކަނޑައެޅިއެވެ.

ފިހާރައެއް ކުއްޔަށް ދިނުމުގެ އެއްބަސްވުމެއްގެ ދަށުން 100,000 ރުފިޔާ އެޑްވާންސްކޮށް ދެއްކިނަމަވެސް، އެއްބަސްވުމާ އެއްގޮތަށް ތަން ޙަވާލުނުކުރުމުން ކުއްޔަށް ހިފި ފަރާތުން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ގެއްލުމުގެ ބަދަލު ނަގައިނުދިނުމަކީ ފަނޑިޔާރުންގެ ޤާނޫނުގެ 5 ވަނަ މާއްދާއާ ޚިލާފު ކަމެއްކަމަށާއި، އެ ނިންމުމަކީ ޤާނޫނީ އަސާސެއް ނެތި ނިންމި ނިންމުމެއްކަމަށެވެ.

ފިހާރައެއް ކުއްޔަށް ދިނުމުގެ އެއްބަސްވުމާ ޚިލާފަށް ތަން ޙަވާލުނުކުރުމުން، ކުއްޔަށް ހިފި ފަރާތުން އެހެން ތަނެއް ކުއްޔަށް ހިފުމާއި ފިހާރައަށް މުދާ ގަތުމުގެ ޚަރަދު ގެއްލުމުގެ ބަދަލުގެ ގޮތުގައި ނަގައިދެވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެހެން ތަނެއް ކުއްޔަށް ހިފުމަކީ ތަން ނުލިބުމުން ވީ ގެއްލުމެއް ނޫން، އެ ވަގުތު އެންމެ ފައިދާ ބޮޑު ގޮތަށް ދެކިގެން ކުރި ކަމެއްކަމާއި، ގަތް ތަކެތިވެސް ވިޔަފާރީގައި ބޭނުންހިފޭނެ ތަކެތިކަމުން، ބަދަލު ނަގައިނުދިނުމަކީ ޝަރުޢީ ޤާނޫނީ އުޞޫލުތަކާ ޚިލާފު ކަމެއް ނޫނެވެ.