ޕްރޮސިކިއުޓަރ ޖެނެރަލްގެ އޮފީސް ވ. މުޙައްމަދު ނަސްވާން

ކްރިމިނަލް ކޯޓުން، މުޖުތަމަޢުގެ ހަމަޖެހުމާއި ސަލާމަތާއި ރައްކާތެރިކަމަށްޓަކައި ކަމަށް ބަޔާންކޮށް، 15 ދުވަހަށް ގޭގައި ބަންދުކޮށްފައި ބެހެއްޓުމަށް އަމުރުކުރިއެވެ.

މަސްތުވާތަކެތި ބޭނުންކޮށް އެތަކެތީގެ ވިޔަފާރިކުރާކަމުގެ ތުހުމަތުގައި ބަންދުކުރެވި، އެތައް ފަހަރަކު ބަންދުގެ މުއްދަތު އިތުރުކޮށް މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަހައްޓާފައިވާ ރައްދުވި ފަރާތުގެ ބަންދުގެ މުއްދަތު 15 ދުވަހަށް އިތުރުކުރުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލުން ބުނީ، ފުލުހުން ހުށަހެޅި ސަބަބުތައް ޤަބޫލުކޮށްފައި ގޭބަންދަށް ބަދަލުކުރުމަކީ ސުޕްރީމް ކޯޓުގެ 2010/SC-A/19 ގެ 9 ވަނަ ނުކުތާއާ ޚިލާފު ކަމަށާއި، ޤާނޫނުއަސާސީގެ 143 (ރ) ގެ ދަށުން ތަބާވާންޖެހޭ 2011/SC-A/33 އާއި 2012/HC-A/194 ގައިވާ އުޞޫލަށް ރިޢާޔަތްނުކުރި ކަމަށެވެ.

މުޖުތަމަޢުގެ ސަލާމަތަށް ނުރައްކާތެރިކަމަށް ފަނޑިޔާރަށް ފެނުނު ހާލު، މަސްތުވާތަކެތީގެ ވިޔަފާރީގެ ތުހުމަތުގައިވާ ފަރާތެއް ގޭބަންދަށް ބަދަލުކުރި ކޯޓު އަމުރު ސުޕްރީމް ކޯޓާއި ހައިކޯޓުން ކަނޑައަޅާފައިވާ އުޞޫލުތަކާ ޚިލާފުވޭތޯ.

ކްރިމިނަލް ކޯޓުގެ އަމުރު ބާޠިލު؛ އަމުރުގެ ފޢިލިއްޔަތު ނެތިގޮސްފައިވާތީ އިތުރު އަމުރެއް ނުކުރެ

މުޖުތަމަޢަށް ނުރައްކަލެއްކަމަށް ފަނޑިޔާރަށް ފެނުނު ނަމަ ބަހައްޓަންޖެހޭނީ މުޖުތަމަޢަށް ނުރައްކާ ނުފޯރުވޭނެ ތަނެއްގައި ކަމަށްވާތީ ގޭބަންދަކީ ނުރައްކާ ފިލާނެ ކަމެއް ނޫނެވެ. ނަމަވެސް އަމުރުގެ ފޢިލިއްޔަތު ނެތިގޮސްފައިވާތީ ހައިކޯޓުން އިތުރު އަމުރެއް ނުކުރެއެވެ.