2016/HC-A/139

ކްރިމިނަލް ކޯޓުން، ހެއްކަށް ނުފޫޒު ފޯރުވަފާނެ ކަމަށްޓަކައި، ތުހުމަތުކުރެވޭ ފަރާތް 10 ދުވަހަށް ގޭގައި ބަންދުކޮށްފައި ބެހެއްޓުމަށް އަމުރުކުރިއެވެ.

މަސްތުވާތަކެތި ގެންގުޅެ ވިޔަފާރިކުރުމުގެ ތުހުމަތުގައި ބަންދުކުރެވިފައިވާ މީހެއްގެ ބަންދުގެ މުއްދަތު އިތުރުކުރުމަށް، މުޖުތަމަޢުގެ ސަލާމަތާއި ރައްކާތެރިކަމަށްޓަކައި ފުލުހުން ކްރިމިނަލް ކޯޓަށް އެދުނެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 (ހ) އާއި 12 (ނ) އަށާއި، ސުޕްރީމް ކޯޓުގެ 2010/SC-A/19 އާއި 2011/SC-A/33 ޤަޟިއްޔާތަކުގައިވާ އުޞޫލުތަކަށް ރިޢާޔަތްނުކޮށް ނެރުނު އަމުރެއް ކަމަށެވެ.

މަސްތުވާތަކެތީގެ ވިޔަފާރި ކުރުމުގެ ތުހުމަތުގައި ބަންދުކޮށްފައިވާ މީހަކު ބަންދުގެ މުއްދަތު އިތުރުކުރުމަށް ފުލުހުން އެދުމުން، އޭނާ ގޭގައި ބަންދުކޮށްފައި ބެހެއްޓުމަށް ކްރިމިނަލް ކޯޓުން ނެރުނު އަމުރަކީ ބަންދާބެހޭ ޤާނޫނީ އުޞޫލުތަކާ އެއްގޮތް އަމުރެއްތޯ.

ކްރިމިނަލް ކޯޓުގެ އަމުރު ބާޠިލު؛ ހޯމް މިނިސްޓްރީން ކަނޑައަޅާ ތަނެއްގައި 5 ދުވަހަށް ބަންދުގައި ބެހެއްޓުމަށް އަމުރުކުރި

ބަންދާމެދު ނިންމަންޖެހޭނީ ފުލުހުން ހުށަހަޅާ މަޢުލޫމާތުގެ މައްޗަށް ކަމަށާއި، މަސްތުވާތަކެތީގެ ވިޔަފާރިއަކީ މުޖުތަމަޢަށް ނުރައްކާތެރިކަން ބޮޑު ކުށެއް ކަމަށާއި، އެފަދަ މީހަކު ބަހައްޓަންޖެހޭނީ މުޖުތަމަޢަށް ނުރައްކާ ނުފޯރުވޭނެ ތަނެއްގައި ކަމަށާއި، ގޭގައި ބެހެއްޓުމުން އެ ނުރައްކާ ފިލައިނުދާނެ ކަމަށް ހައިކޯޓުން ކަނޑައެޅިއެވެ.