ޢަބްދުﷲ ސަޢީދު ވ. މުޙައްމަދު ޢުމަރު

ކެންދޫ މެޖިސްޓްރޭޓް ކޯޓުން، ނިޔާވި ބައްޕަގެ މައްޗަށްވާ ބައި ނުބަލައި، ވިއްކުމުގެ އަޤުދެއް ސާބިތުނުވާކަމަށް ކަނޑައަޅައި، ނަމަވެސް ހަވާލުކުރި 95،000 ރުފިޔާ އަނބުރާ ދެއްކުމަށް ޙުކުމްކުރިއެވެ.

ދަޢުވާ ރައްދުވާ ފަރާތް، އޭނާގެ ބައްޕަގެ ނަމުގައިވާ މަސްދޯނި 160،000 ރުފިޔާއަށް ވިއްކާކަމަށް ބުނެ، ގަންނަ ފަރާތުން 95،000 ރުފިޔާ އޭނާއާ ހަވާލުކޮށް ދޯނި ކެންދޫއަށް ގެނެސް ދުއްވިއެވެ. ބާކީ ފައިސާ ދައްކަން ދިޔައިރު ދޯނި އަތުލިއެވެ. ގަތް ފަރާތުން ދެއްކި ފައިސާއާއި ގެއްލުމުގެ ބަދަލު އެދި ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ޙުކުމްކުރީ ކޯޓުތަކުގެ ޤާނޫނުގެ 69 ވަނަ މާއްދާއަށް (އިޚްތިޞާޞް) ރިޢާޔަތް ނުކޮށްކަމަށާއި، ދަޢުވާގެ ޚަޞްމަކު ނިޔާވެފައިވާކަމަށް ރިޢާޔަތް ނުކުރިކަމަށެވެ.

ދަޢުވާ ރައްދުވާ ފަރާތް ދިރިއުޅޭ ދާއިރާއަކުން ބޭރުގެ މެޖިސްޓްރޭޓް ކޯޓަކަށް ދޯނި ގަތުމުގެ މުޢާމަލާތާ ގުޅޭ މައްސަލަ ބެލުމުގެ އިޚްތިޞާޞް ލިބޭތޯ، ދަޢުވާގެ ޚަޞްމަކު ނިޔާވެފައިވާތީ މައްސަލަ ބެލުން ޞައްޙަތޯ، އަދި ދޯނި ވިއްކުމަށް ދެފަރާތާ ދެމެދު އަނގަބަހުން އެއްބަސްވުމެއް ވުޖޫދުވެފައިވޭތޯ.

ބައެއް ބަދަލުކުރި

މުޢާމަލާތް ތަންފީޛުކުރެވުނީއާއި ހެކިން ދިރިއުޅެނީ ކެންދޫގައި ކަމުން ކެންދޫ ކޯޓަށް އިޚްތިޞާޞް ލިބޭކަމަށާއި، ނިޔާވި ޚަޞްމުގެ ބައި އުނިކޮށް މައްސަލަ ބެލިކަމަށާއި، އަނގަބަހުން އެއްބަސްވުމެއް ވުޖޫދުވެފައިވާތީ އެއްބަސްވުމެއް ނެތްކަމަށް ކަނޑައެޅުން ރަނގަޅު ނޫންކަމަށް ކޯޓުން ކަނޑައެޅިއެވެ.