2016/HC-A/381

ތިލަދުންމަތީ ދެކުނުބުރީ ނޮޅިވަރަމް މެޖިސްޓްރޭޓް ކޯޓުން ކުށް ސާބިތުވާކަމަށް ކަނޑައަޅައި، ޤާނޫނުއަސާސީގެ 59 ވަނަ މާއްދާއަށް ރިޢާޔަތްކޮށް ކުރީގެ ޤާނޫނުގެ ދަށުން 1 އަހަރު ޖަލަށްލުމަށް ޙުކުމްކުރި.

ރަށު އޮފީހުގެ ކަތީބެއްގެ މަޤާމުގައި ހުއްޓާ، ގޯތިލިބޭ ލިސްޓުގައި ނަން ނުހިމެނޭ ފަރާތަކަށް ކުރިން އެހެން ފަރާތަކަށް ދޫކޮށްފައިވާ ގޯއްޗެއްގެ ރަޖިސްޓްރީ ބަދަލުކޮށްދީފައިވާތީ، މަޤާމުގެ ނުފޫޒު ބޭނުންކޮށްގެން ނާޖާއިޒު ފައިދާއެއް ހޯދައިދިނުމުގެ ކުށުގެ ދަޢުވާ ކުރި.

އިސްތިއުނާފުކުރި ފަރާތުން ބުނީ، ޤާނޫނުއަސާސީގެ 51 އާއި 59 އާއި 143 ވަނަ މާއްދާތަކާއި ސުޕްރީމް ކޯޓުގެ ސާބިޤާތަކާއި ޤަރީނަތުލް ބަރާޢާގެ މަބްދައާ ޚިލާފަށް، ޔަޤީނާ ގާތްކުރާ މިންވަރަށް އިޤްތިނާޢުނުވެ ކުށް ސާބިތުކުރީ ކަމަށެވެ.

ރަށު އޮފީހުގެ ކަތީބަކު، އަތޮޅު އޮފީހުން ފޮނުވި ފެކްސްއެއްގެ ޖަވާބުގައި ގޯއްޗެއް ފަރާތަކަށް ހަމަޖައްސައިދިނުން ރަނގަޅުކަމަށް ބުނުމަކީ، މަޤާމުގެ ނުފޫޒު ބޭނުންކޮށްގެން ނާޖާއިޒު ފައިދާއެއް ހޯދައިދިނުމުގެ ކުށް ޖިނާއީ މިންގަނޑުން ސާބިތުވާ ކަމެއްތޯ.

ދަށުކޯޓުގެ ޙުކުމް ބާޠިލު

ގޯތި ދޫކުރީ ބިމާބެހޭ ޤާނޫނުގެ 10 ވަނަ މާއްދާގެ ދަށުން އަތޮޅު އޮފީހުން ކަމަށާއި، ގުރުއަތުލުމުގެ އުޞޫލު ހިނގަނީ އިޢުލާނުކޮށް ފޯމު ހުށަހަޅާ ޢާންމު އިޖުރާއާތަށް ކަމަށާއި، ތުހުމަތުކުރެވޭ ފަރާތުގެ ދައުރަކީ ފެކްސްއެއްގެ ޖަވާބެއް ދިނުން އެކަނި ކަމުން ކުށް ޖިނާއީ މިންގަނޑުން ސާބިތުނުވޭ.