2016/HC-A/354

ސިވިލް ކޯޓުން އެއްބަސްވުން ސާބިތުނުވާކަމަށް ކަނޑައަޅައިފައިވީނަމަވެސް، ކުންފުނީގެ މުދާ ޢިމާރާތުގައި ބަހައްޓައި ބޭނުންކުރި 12 މަހަށް މަހަކު 15,000 ރުފިޔާގެ ގޮތުން 180,000 ރުފިޔާ ކުލީގެ ގޮތުގައި ދިނުމަށް ޙުކުމްކުރިއެވެ.

ފުވައްމުލަކުގައި ކުލީބިމެއްގައި ހަދާފައިވާ ޢިމާރާތްތައް ކުއްޔަށް ދިނުމުގެ އެއްބަސްވުމެއްގެ ދަށުން ލިބެންޖެހޭ ކުލި ހޯދުމަށް ޢިމާރާތުގެ ވެރިފަރާތުން ކުންފުންޏެއްގެ މައްޗަށް ދަޢުވާކުރިއެވެ. އެއްބަސްވުމުގައި ސޮއިކޮށްފައިވަނީ ކުންފުނީގެ ފިހާރައެއްގެ ނަމުގައެވެ.

އިސްތިއުނާފުކުރި ކުންފުނިން ބުނީ އެއްބަސްވުމަކީ ކޮންޓްރެކްޓް ޤާނޫނާ ޚިލާފު، ދެފަރާތުގެ ދެމެދު ވެފައިވާ އެއްބަސްވުމެއް ނޫންކަމަށާއި، ސޮއިކުރި ފަރާތްތަކަކީ ޢިމާރާތުގެ ވެރިފަރާތުގެ ބޭފުޅުން ކަމުން ކުންފުންޏަށް ނޭނގި މުދާ ބެހެއްޓުމުގެ ޒިންމާ ކުންފުނިން ނުއުފުލޭނެކަމަށެވެ.

ފިހާރައެއްގެ ނަމުގައި ސޮއިކުރެވިފައިވާ ކުލީ އެއްބަސްވުމެއްގެ ޒިންމާ އެ ފިހާރަ ހިންގާ ކުންފުނިން އުފުލަންޖެހޭތޯއާއި، ދަޢުވާގެ އަސާސަކީ އެއްބަސްވުމަކަށްވެފައި އެ އެއްބަސްވުން ސާބިތުނުވާއިރު، ޢިމާރާތް ބޭނުންކުރިކަމުގެ މައްޗަށް ކުލި ނަގައިދެވޭތޯ.

ދަށުކޯޓުގެ ޙުކުމް ބާޠިލު

ފިހާރަ ނަމަކީ ޤާނޫނީ ޝަޚްޞެއް ނޫން ކަމާއި، ލިޔުމުގައި ސޮއިކުރި މީހާގެ ނަމާއި ކުންފުނީގެ ތައްގަނޑު ނެތްކަމާއި، ކުންފުނީގެ ހުއްދައާއެކު ސޮއިކުރިކަމުގެ ޙުއްޖަތެއް ނެތުމުން، އެއްބަސްވުމުގެ މައްޗަށް ބިނާކުރި ދަޢުވާ ސާބިތުނުވެއެވެ.