2016/HC-A/261

ކްރިމިނަލް ކޯޓުގެ J/MD/2016/4427-145 އަމުރުން، ތުހުމަތުކުރެވޭ މައްސަލައަށް ބަލައި މުޖުތަމަޢުގެ ސަލާމަތަށްޓަކައި ހޯމް މިނިސްޓްރީން ކަނޑައަޅާ ތަނެއްގައި ބަންދުކޮށް ބެހެއްޓުމަށް އަމުރުކުރިއެވެ.

ތުހުމަތުކުރެވޭ ފަރާތް މުޖުތަމަޢުގެ ސަލާމަތަށްޓަކައި 3 ދުވަހަށް ބަންދުކޮށްފައި ބެހެއްޓުމަށް ކްރިމިނަލް ކޯޓުން އަމުރު ނެރުނެވެ.

އިސްތިއުނާފުކުރި ފަރާތުގެ ނުކުތާއަކީ، ބަންދުގެ މަޖިލީހަށް ޙާޟިރުކުރިއިރު އޭނާ ޢައްޔަންކޮށްފައިވާ ޤާނޫނީ ވަކީލަށް ނާންގާ ބަންދުގެ މުއްދަތު ޖެހުމުން ޤާނޫނުއަސާސީގެ 48 (ށ) އާއި ބަންދާބެހޭ ޤަވާޢިދުގެ ދަށުން ޤާނޫނީ ވަކީލެއްގެ އެހީތެރިކަން ހޯދުމުގެ ފުރުޞަތު ގެއްލުނު ކަމެވެ.

ބަންދުގެ މުއްދަތުގެ މަޖިލީހަށް ޙާޟިރުކުރިއިރު ތުހުމަތުކުރެވޭ ފަރާތުގެ ޤާނޫނީ ވަކީލަށް ނުއަންގާ ބަންދުގެ މުއްދަތު ޖެހުމުން ޤާނޫނުއަސާސީގެ 48 ވަނަ މާއްދާގެ (ށ) އާ ޚިލާފަށް ބަންދު އަމުރު ނެރެފައިވޭތޯ.

އިސްތިއުނާފު ބަލައިނުގަނެ، ކްރިމިނަލް ކޯޓުގެ ބަންދު އަމުރު ޤާއިމް

ދައުލަތުގެ ވާހަކައާއި ލިޔުންތަކަށް ބެލުމުން، ޤާނޫނުއަސާސީއާއި ބަންދާބެހޭ ޤަވާޢިދާ އެއްގޮތަށް ޤާނޫނީ ވަކީލެއްގެ އެހީތެރިކަން ހޯދުމުގެ ފުރުޞަތު ފުލުހުން ފަހިކޮށްދީފައިވާކަމުގައި ބެލެވެން އޮތުމުން، އަމުރަށް ބަދަލު ގެންނަންޖެހޭ ސަބަބެއް ނެތެވެ.