2016/HC-A/243

ސިވިލް ކޯޓުން، އިވެލުއޭޓް ކުރުމުގެ ކުރިން އިޢުލާން ބާޠިލުކުރުމަކީ ބާޠިލް ނިންމުމެއްކަމަށް ކަނޑައަޅާނެ ތަނެއް ނެތްކަމަށާއި، އެ އިޢުލާނުގެ ދަށުން ހުއްދަ ދިނުމަށް އަންގާނެ ތަނެއް ނެތްކަމަށް ޙުކުމްކުރިއެވެ.

1435 ވަނަ އަހަރު ޙައްޖަށް މީހުން ގެންދިއުމަށް މިނިސްޓްރީ އޮފް އިސްލާމިކް އެފެއާޒުން ކުރި އިޢުލާނަށް އެންމެ ކުޑަ އަގު ހުށަހެޅި ކުންފުނި، ޕްރޮޕޯސަލްތައް ފުރިހަމަނުވާތީ އިވެލުއޭޓް ނުކޮށް އިޢުލާން ބާޠިލުކޮށް ދެވަނަ އިޢުލާނެއް ކުރުމުން، އެ ކުންފުނިވެސް ދެވަނަ އިޢުލާނަށް ހުށަހަޅައި ގުރުއަތުން ނުހޮވުނެވެ. ދެން ފުރަތަމަ އިޢުލާނުގެ ދަށުން 3 އަހަރުގެ ހުއްދަ ލިބިގެންވާކަމަށް ކަނޑައަޅައިދިނުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ މުއްދަތު ހަމަވެ ޢަމަލުކޮށް ނިމިފައިވާ އިޢުލާނެއް ބާޠިލު ނުކުރެވޭނެ ކަމަށާއި، ޕްރޮޕޯސަލްތައް ފުރިހަމަނުވާކަމުގެ ދިފާޢު ސާބިތުނުވާ ކަމަށާއި، 2011/HC-A/285 ތަޠުބީޤުކުރީ ރަނގަޅަށް ނޫން ކަމަށެވެ.

ޙައްޖަށް މީހުން ގެންދިއުމަށް ޕްރޮޕޯސަލް ހުށަހެޅުމަށް ކުރި އިޢުލާން، ޕްރޮޕޯސަލްތައް އިވެލުއޭޓް ކުރުމުގެ ކުރިން ބާޠިލުކުރުމަކީ ބާޠިލް ނިންމުމެއްތޯއާއި، އެ އިޢުލާނުގެ ދަށުން ހުއްދަ ދިނުމަށް ވުޒާރާއަށް އެންގޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދެވަނަ އިޢުލާނަށް ޝަކުވާއެއް ނެތި ޕްރޮޕޯސަލް ހުށަހެޅުމަކީ ފުރަތަމަ އިޢުލާން ބާޠިލުކުރުން ޤަބޫލުކުރުމެއްކަމުގައި ބެލެވޭތީއާއި، 2011/HC-A/285 ގައި ޕްރޮޕޯސަލްތައް އިވެލުއޭޓްކޮށް މާކްސް ދީފައިވާތީ މި މައްސަލައާ ތަފާތުވާތީ، ދަށުކޯޓުގެ ޙުކުމް ޤާއިމްކުރިއެވެ.