2016/HC-A/114

ސިވިލް ކޯޓުން އިތުރު ކުއްޔާއި ބަދަލު ލިބުނީ ލޯ ފާމުގެ މަސައްކަތުގެ ނަތީޖާއެއްގެ ގޮތުން ކަމަށް ކަނޑައަޅައި، އެއްބަސްވުމުގެ ދަށުން އިސްތިއުނާފުކުރި ފަރާތް ޒިންމާވާ ފީ ދައްކަން ޙުކުމްކުރި.

ރިސޯޓެއްގެ ސަބްލީސް އެއްބަސްވުމުގެ ދަށުން ނިޔާވެފައިވާ ފަރާތެއްގެ ވާރިސުންނަށް ލިބެންޖެހޭ ޙައްޤުތައް ހޯދައިދިނުމަށް ޤާނޫނީ ޚިދުމަތުގެ އެއްބަސްވުމެއް ވެފައިވާއިރު، އިތުރަށް ލިބުނު ޙައްޤުތަކުގެ އިންސައްތައެއް ފީގެ ގޮތުގައި ހޯދުމަށް ލޯ ފާމުން ވާރިސެއްގެ މައްޗަށް ދަޢުވާކުރި.

އިސްތިއުނާފުކުރި ފަރާތުން ބުނީ، ޙައްޤުތައް ލިބުނީ ވާރިސުން އަމިއްލައަށް ކުރި މަސައްކަތުގެ ނަތީޖާއެއްގެ ގޮތުން ކަމަށާއި، އެކަމުގެ ހެކިތަކަށް ދަށުކޯޓުން ރިޢާޔަތް ނުކުރާކަމަށާއި، އެއްބަސްވުމުގައި ސޮއިކުރީ ފަރުދަކު ކަމުން ލޯ ފާމުގެ ނަމުގައި ދަޢުވާ ހުށަހެޅުން ޤާނޫނާ ޚިލާފުކަމަށެވެ.

ވާރިސުންނަށް އިތުރު ޙައްޤުތައް ލިބުނީ ޤާނޫނީ ޚިދުމަތް ދިން ފަރާތުގެ މަސައްކަތުގެ ނަތީޖާއެއްގެ ގޮތުންކަމަށް ބަލައި ފީ ދައްކަން ޙުކުމްކުރުން ޞައްޙަތޯ، އަދި ޕާޓްނަރޝިޕެއްގެ ނަމުގައި އެއް ޕާޓްނަރަކު ސޮއިކޮށް ދަޢުވާ ހުށަހެޅުން ޤާނޫނީ ހަމަތަކާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ވާރިސުން އަމިއްލައަށް މަސައްކަތްކުރިކަމުގެ ކާފީ ހެކި ނެތުމުން ޙައްޤުތައް ލިބުނީ ލޯ ފާމުގެ މަސައްކަތުން ކަމަށް ބަލަން ޖެހޭކަމަށާއި، ލޯ ފާމަކީ ޕާޓްނަރޝިޕެއް ކަމުން އެ ފާމުގެ ނަމުގައި ސޮއިކޮށް ދަޢުވާ ހުށަހެޅުމުގެ ބާރު ޕާޓްނަރަކަށް ލިބިގެންވާކަމަށް.