2016/HC-A/115

ޕާޓްނަރޝިޕުން އެއްބަސްވުމާ އެއްގޮތަށް މަސައްކަތްކޮށްފައިވާކަން ސާބިތުވާތީ، އެއްބަސްވުމުގެ 4 ވަނަ މާއްދާގެ (ށ) ގެ ދަށުން 24,000 ޑޮލަރު އިސްތިއުނާފުކުރި ފަރާތުން ދައްކަންޖެހޭކަމަށް ސިވިލް ކޯޓުން ޙުކުމްކޮށް، ޤާނޫނީ ޚަރަދު ނަގައިނުދެއެވެ.

ރިސޯޓެއް ކުއްޔަށް ދިނުމުގެ ސަބްލީސް އެގްރީމަންޓުގެ ދަށުން މަރުޙޫމަކަށް ލިބެންޖެހޭ ޙައްޤުތައް ވާރިޘުންނަށް ހޯދައިދިނުމަށް، ހޯދައިދޭ އިތުރު ޙައްޤުގެ 4 އަހަރުގެ 15% ކޮންމެ ވާރިޘަކު ވަކިވަކިން ދިނުމުގެ ޝަރުޠާއެކު ވާރިޘުންނާއި ޤާނޫނީ ޕާޓްނަރޝިޕަކާ ދެމެދު އެއްބަސްވުމެއް ވެފައިވެއެވެ. އެއަށްފަހު ވާރިޘުންނަށް ލިބޭ އަހަރީ ފައިސާ އިތުރުވިއިރު، އިސްތިއުނާފުކުރި ފަރާތުން ދައްކަންޖެހޭ ފީ ހޯދުމަށް ޕާޓްނަރޝިޕުން ދަޢުވާކުރިއެވެ.

ޙައްޤުތައް ލިބުނީ ވާރިޘުންގެ އަމިއްލަ މަސައްކަތުން ކަމަށާއި، އެކަން ލިޔުމުން ސާބިތުކޮށްދިން ނަމަވެސް ސިވިލް ކޯޓުން ރިޢާޔަތްނުކުރި ކަމަށާއި، އެއްބަސްވުމުގައި ސޮއިކުރީ ޕާޓްނަރަކު ކަމުން ޕާޓްނަރޝިޕުގެ ފަރާތުން ދަޢުވާ ބަލައިގަތުން ޤާނޫނާ ޚިލާފު ކަމަށް އިސްތިއުނާފުކުރި ފަރާތުން ބުނެފައިވެއެވެ.

ރިސޯޓެއްގެ ސަބްލީސް އެގްރީމަންޓުގެ ދަށުން ވާރިޘުންނަށް ލިބުނު އިތުރު ޙައްޤުތައް ލިބުނީ ޤާނޫނީ ޚިދުމަތް ދިން ޕާޓްނަރޝިޕުގެ މަސައްކަތުގެ ނަތީޖާއެއްގެ ގޮތުންތޯ، އަދި ޕާޓްނަރޝިޕުގެ ނަމުގައި ދަޢުވާ ހުށަހެޅުމުގެ ބާރު އެއް ޕާޓްނަރަކަށް ލިބިގެންވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެއްބަސްވުމާއި ކުރި މަސައްކަތަށް އިންކާރުނުކުރާއިރު، އިތުރު ޙައްޤުތައް ލިބުނީ އަމިއްލަ މަސައްކަތުން ކަމަށް ސާބިތުކުރާނެ ކާފީ ހެކި ހުށަހަޅާފައި ނުވާތީ ޕާޓްނަރޝިޕުގެ މަސައްކަތުގެ ނަތީޖާއެއްގެ ގޮތުން ކަމަށް ބަލަންޖެހޭ ކަމަށާއި، ޕާޓްނަރޝިޕުގެ ނަމުގައި ދަޢުވާ ހުށަހެޅުމުގެ ބާރު އެއް ޕާޓްނަރަކަށް ލިބިގެންވާ ކަމަށް ކޯޓުން ކަނޑައެޅިއެވެ.