2015/HC-A/95

ވަކިކުރީ އެކަށީގެންވާ ސަބަބެއް އޮވެގެންކަން ކޮމިޝަނުން ސާބިތުކޮށްދީފައިވާތީ، ވަކިކުރީ ވަޒީފާއާބެހޭ ޤާނޫނާއި ސިވިލް ސަރވިސްގެ ޤާނޫނާ އެއްގޮތަށްކަމަށް ވަޒީފާއާބެހޭ ޓްރައިބިއުނަލުން ނިންމިއެވެ.

ސްކޫލެއްގެ ޓްރެއިންޑް ޓީޗަރެއްގެ މަޤާމުގައި ހުރި އިސްތިއުނާފުކުރި ފަރާތް، ދަރަޖަ 1، 2 އަދި 3 ގެ ވަޒީފާގެ ކުށްތައް ކޮށް ތަކުރާރުކުރުމުން ނަޞޭހަތާއި އިންޒާރު ދިނުމަށްފަހު، ސިވިލް ސަރވިސް ކޮމިޝަނުން 07 މެއި 2014 ގައި ވަޒީފާއިން ވަކިކުރިއެވެ.

އިސްތިއުނާފުކުރި ފަރާތުން ބުނީ، ސިވިލް ސަރވިސްގެ ޤާނޫނުގެ 47 ވަނަ މާއްދާއާ ޚިލާފަށް ކަމަށާއި، އޭނާގެ ދިފާޢަށް ރިޢާޔަތްކޮށްފައި ނުވާކަމަށާއި، ހާޒިރީއާއި އެޕްރައިސަލަށް ނުބަލާ ކަމަށާއި، 2010/HC-A/24 އާއި 2011/HC-A/134 ގެ އުޞޫލުތަކާ ޚިލާފު ކަމަށާއި، 73 (ނ) އަށް ރިޢާޔަތް ނުކުރި ކަމަށާއި، އެހެން މުވައްޒަފުންނާ ތަފާތުކުރި ކަމަށެވެ.

ސިވިލް ސަރވިސްގެ ޓީޗަރެއް ވަޒީފާގެ ކުށްތައް ތަކުރާރުކުރުމުން ނަޞޭހަތާއި އިންޒާރުދީފައި ވަޒީފާއިން ވަކިކުރުމަކީ ވަޒީފާއާބެހޭ ޤާނޫނާއި ސިވިލް ސަރވިސްގެ ޤާނޫނާއި ގަވާއިދާ އެއްގޮތަށް ކުރި ކަމެއްތޯ.

އިސްތިއުނާފު ބަލައިނުގަނެ، ވަޒީފާއާބެހޭ ޓްރައިބިއުނަލްގެ ނިންމުން ޤާއިމް

ދަރަޖަ 1 އާއި 2 ގެ ކުށްތައް ތަކުރާރުކުރިއިރު ނަޞޭހަތާއި އިންޒާރު ދީފައިވާކަން ލިޔުންތަކުން އެނގޭއިރު، ދަރަޖަ 3 ގެ ކުށަކީ ފުރަތަމަ ފަހަރުވެސް ވަކިކުރެވިދާނެ ކުށެކެވެ. އިޞްލާހީ ފިޔަވަޅުތަކާމެދު ޓްރައިބިއުނަލަށް ޝަކުވާ ނުކުރާތީ އެއީ ޤާނޫނާ އެއްގޮތަށް އެޅި ފިޔަވަޅުތަކެއް ކަމުގައި ބެލެވޭތީ، ވަކިކުރުން ޤާނޫނާއި ގަވާއިދާ އެއްގޮތެވެ.