ދިގުފަރު އިންވެސްޓްމެންޓް ޕވޓ ލޓޑ ވ. އަޙްމަދު ތަޙްސީން

ވަޒީފާއާބެހޭ ޓްރައިބިއުނަލުން ވަކިކުރީ ވަޒީފާއާބެހޭ ޤާނޫނުގެ 21 ވަނަ މާއްދާއާ ޚިލާފަށް ކަމަށް ކަނޑައަޅައި، ވަޒީފާއަށް އަނބުރާ ރުޖޫޢުކުރެވޭނެ ތަނެއް ނެތުމުން 29 (ރ) ގެ ދަށުން 60,200 ރުފިޔާ ބަދަލު ދިނުމަށް އަމުރުކޮށްފައިވެއެވެ.

ރިސޯޓެއްގެ ބޯޓް ކްރޫއެއްގެ މަޤާމުގައި 2 އަހަރުގެ އެއްބަސްވުމެއްގެ ދަށުން ވަޒީފާ އަދާކުރަމުން ދިޔަ މުވައްޒަފަކު، ހަފްތާއަކު އެއްފަހަރު އޮންނަ ބޮޑުބެރު އިވެންޓްގައި ބައިވެރިވުމަށް އިޢުތިރާޟުކުރުމުން، އަޚްލާޤީ ސަބަބުތަކަށް 2 ހަފްތާގެ ނޯޓިސް މުއްދަތަށް ފައިސާ ދީ ވަޒީފާއިން ވަކިކުރި މައްސަލައެކެވެ.

ވަޒީފާދޭ ފަރާތުން ބުނީ ބަދަލު ނަގައިދީފައިވަނީ ހައިކޯޓުގެ 2013/HC-A/142 ޤަޟިއްޔާގެ އުޞޫލާ ޚިލާފަށް ކަމަށެވެ. ވަކިކުރުމުގެ ޞައްޙަކަމާމެދު އިޢުތިރާޟެއް ނުކުރެއެވެ.

އެކަށީގެންވާ ސަބަބެއްނެތި ވަޒީފާއިން ވަކިކުރި މުވައްޒަފަކަށް ވަޒީފާއާބެހޭ ޓްރައިބިއުނަލުން ނަގައިދިން ބަދަލުގެ މިންވަރު، ހައިކޯޓުގެ 2013/HC-A/142 ޤަޟިއްޔާގައި ކަނޑައެޅި އުޞޫލާ ޚިލާފުތޯ.

އިސްތިއުނާފު ބާޠިލް، ޓްރައިބިއުނަލުގެ ނިންމުން ޤާއިމް

ބޮޑުބެރު ޖެހުމަކީ ވަޒީފާގެ ޒިންމާއެއް ނޫންކަމުން ވަކިކުރީ އެކަށީގެންވާ ސަބަބެއްނެތި، މައުޟޫޢީ އަދި އިޖްރާޢީ ޢަދުލުވެރިކަން ޤާއިމްނުކޮށެވެ. 2013/HC-A/142 ގެ އުޞޫލު މިފަދަ މައްސަލައަކަށް ނުގުޅޭތީއާއި، ޓްރައިބިއުނަލުން ނަގައިދިން ބަދަލަކީ ޝަރުޢީ އަދި ޤާނޫނީ ހަމަތަކާ އެއްގޮތްވާ އެކަށީގެންވާ ޢަދުލުވެރި ބަދަލަކަށް ވާތީ ބަދަލެއް ނުގެނެވެއެވެ.