2016/HC-A/76

ވަޒީފާއާބެހޭ ޓްރައިބިއުނަލުން، ވަކިކޮށްފައިވަނީ ސިވިލް ސަރވިސްގެ ޤާނޫނުގެ 47(ނ)(3) ގެ ދަށުން ޤާނޫނާ އެއްގޮތަށް ކަމަށް ކަނޑައަޅައި، އެދިފައިވާ އަމުރު ނުކުރެވޭނެކަމަށް ނިންމިއެވެ.

އަތޮޅު ހޮސްޕިޓަލެއްގެ އެސިސްޓެންޓް މެނޭޖަރު، އޮފީހަށް ނުދިޔަ ދުވަހެއް ޙާޟިރުވި ދުވަހެއްގެ ގޮތަށް ޑޭޓާބޭސްއިން ބަދަލުކުރިކަމަށް ތަޙްޤީޤުން ސާބިތުވާތީ، ސިވިލް ސަރވިސް ޤަވާޢިދުގެ 3 ވަނަ ދަރަޖައިގެ ކުށެއްކަމަށް ބަލައި ސިވިލް ސަރވިސް ކޮމިޝަނުން ވަޒީފާއިން ވަކިކުރިއެވެ.

އިސްތިއުނާފުކުރި ފަރާތުން ބުނީ، ސާރވަރުގެ އެޑްމިނިސްޓްރޭޓިވް ޕާސްވޯޑުގެ ރައްކާތެރިކަން ކަށަވަރު ނުވާތީ ޑޭޓާބޭސްގެ ރެކޯޑު ކޮންމެ މީހަކަށް ބަދަލުކުރެވޭނެކަމަށް އައިޓީ އޮފިސަރު ބުނި ނަމަވެސް، ޓްރައިބިއުނަލުން އެކަމަށް ރިޢާޔަތް ނުކުރި ކަމަށެވެ.

ޙާޟިރީ ޑޭޓާބޭސް ބަދަލުކުރިކަމަށް ބުނެ ސިވިލް ސަރވިސްގެ މުވައްޒަފަކު ވަކިކުރުމުގައި، ސާރވަރުގެ ރައްކާތެރިކަން ކަށަވަރުނުވުމަށް ރިޢާޔަތް ނުކޮށް ޓްރައިބިއުނަލުން ވަކިކުރުން ޤާނޫނާ އެއްގޮތްކަމަށް ނިންމުމަކީ ޤާނޫނާ ޚިލާފު ނިންމުމެއްތޯ.

އިސްތިއުނާފު ބާޠިލް، ޓްރައިބިއުނަލުގެ ނިންމުން ޤާއިމް

ވަކިކުރުމުގެ ކުރިން ތަޙްޤީޤު ހިންގައި ޖަވާބުދާރީވުމުގެ ފުރުޞަތު ދީފައިވެއެވެ. ބަދަލުގެނައި އައިޑީއަކީ އިސްތިއުނާފުކުރި ފަރާތަށް ދޫކުރި އައިޑީކަމާއި، ބަދަލުގެނައީ އޭނާ ނޫންކަމަށް ޤަބޫލުކުރެވޭ ޙުއްޖަތެއް ނެތުމުން، ބޮޑަށް ބުރަވެވޭ މިންގަނޑުން އެކަން ސާބިތުވާތީ، ވަކިކުރުމަކީ ޤާނޫނާއި ޤަވާޢިދާ ޚިލާފު ކަމެއް ނޫނެވެ.