2015/HC-A/159

ވަޒީފާއާބެހޭ ޓްރައިބިއުނަލުން ވަކިކުރީ އެކަށީގެންވާ ސަބަބެއް ނެތިކަމަށް ކަނޑައަޅައި، ވަޒީފާއަށް އަނބުރާ ބަހައްޓައި ވަކިކުރި ތާރީޚުން ފެށިގެން މުސާރައާއި ޢިނާޔަތްތައް ދިނުމަށް އަމުރުކުރިއެވެ.

ކައުންސިލްގެ އިދާރާއެއްގެ އެސިސްޓެންޓް އެޑްމިނިސްޓްރޭޓިވް އޮފިސަރަކު މަޤާމާ އެކަށޭނެ ޢިލްމީ ޤާބިލުކަން ނެތުމުން ފަންތި ދަށްކޮށް މަސައްކަތު މަޤާމަކަށް ބަދަލުކުރުމަށް ހުށަހެޅުމުން އޭނާ އިޢުތިރާޟުކުރުމުން، ސިވިލް ސަރވިސް ކޮމިޝަނުން އޭނާ ވަޒީފާއިން ވަކިކުރިއެވެ.

ކޮމިޝަނުން ބުނީ ޤާނޫނު ނަންބަރު 5/2007 (ދިވެހި ސިވިލް ސަރވިސްގެ ޤާނޫނު) ގެ 42 ވަނަ މާއްދާގެ (ށ) ގެ 3 ގެ ދަށުން ދިން ފުރުޞަތަށާއި ދިވެހި ސިވިލް ސަރވިސްގެ ޤާނޫނުގެ 47 ވަނަ މާއްދާގެ (ނ) ގެ 3 އަށް ޓްރައިބިއުނަލުން ރިޢާޔަތްނުކުރިކަމަށާއި، ސުޕަރވައިޒަރުގެ ހެކިބަސް ނުބެލިކަމަށާއި، ސިވިލް ސަރވިސްގެ ޚާއްޞަ ޤާނޫނަށް ވުރެ ވަޒީފާއާބެހޭ ޤާނޫނަށް އިސްކަންދިންކަމަށެވެ.

މަޤާމާ އެކަށޭނެ ޢިލްމީ ޤާބިލުކަން ނެތުމުގެ ސަބަބުން ސިވިލް ސަރވިސްގެ ޤާނޫނުގެ 42 ވަނަ މާއްދާގެ (ށ) ގެ 3 އާއި 47 ވަނަ މާއްދާގެ (ނ) ގެ 3 ގެ ދަށުން ސިވިލް ސަރވިސްގެ މުވައްޒަފަކު ވަކިކުރުމަކީ އެކަށީގެންވާ ސަބަބެއް އޮވެގެން ކުރެވުނު ކަމެއްތޯ، އަދި ޓްރައިބިއުނަލްގެ ނިންމުމަށް ބަދަލު ގެންނަންޖެހޭތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ޢިލްމީ ޤާބިލުކަން ނެތުމުން ވަކިކުރެވޭނީ ޤާބިލުކަން އޮޅުވާލައިގެން ވަޒީފާ ހޯދާފައިވާނަމަ ނުވަތަ ޤާބިލުކަން ޙާޞިލުކުރުން ޝަރުޠުކޮށް ވަޒީފާ ދީފައިވާނަމަ ކަމަށާއި، 28 އަހަރު ވަޒީފާ އަދާކުރި މުވައްޒަފަށް ނަޞޭހަތެއް ފިޔަވައި އިޞްލާޙީ ފިޔަވަޅެއް އަޅާފައިނުވާއިރު ކޯޑް އޮފް ކޮންޑަކްޓާ ޚިލާފުވީ ކިހިނެއްކަން ކޮމިޝަނަށް ބުނެދެވިފައިނުވާތީ ޓްރައިބިއުނަލްގެ ނިންމުމަށް ބަދަލެއް ނުގެނެސްފައެވެ.