2015/HC-A/386

ކްރިމިނަލް ކޯޓުން ޤާނޫނު ނަންބަރު 77/17 ގެ 2 ވަނަ މާއްދާގެ (ހ) އާއި (ށ) ގެ ދަށުން ވިޔަފާރީގެ ބޭނުމަށް މަސްތުވާއެއްޗެއް އަތުގައި ބެހެއްޓުމުގެ ކުށް ސާބިތުކޮށް، (ރ) ގެ ދަށުން އުމުރަށް ޖަލަށްލުމަށް ޙުކުމްކުރި.

މަސްތުވާތަކެތި ބޭނުންކޮށްފައިވާކަމަށް ޝައްކުކުރެވިގެން ކަސްޓޯޑިއަލަށް ގެނެސް ހަށިގަނޑު ބަލައި ފާސްކުރިއިރު، ތުހުމަތުކުރެވޭ ފަރާތުގެ އަތުން ފެނުނު ފިލްމު ހުސްކުރި ދަޅެއްގައި ކެނަބިސް ބާވަތުގެ މަސްތުވާތަކެތި (10.8099 ގްރާމް ޓެޓްރާހައިޑްރޯކެނަބިނޯލް އަދި 10.6766 ގްރާމް ކެނަބިނޯލް) ހުރިކަން ތަޙުލީލުން ދެއްކިއެވެ.

އިސްތިއުނާފުކުރި ފަރާތުން ބުނީ، ފުލުހުންގެ ބާރުތަކުގެ ޤަވާޢިދާ ޚިލާފަށް ބަލައި ފާސްކޮށް ހޯދި ބާޠިލު ހެކިތަކެއްގެ މައްޗަށް ޙުކުމްކުރި ކަމަށާއި، ތަޙުލީލަށް ފޮނުވި ތަކެއްޗަށް ބަދަލު ގެނައުމުގެ ފުރުޞަތު އޮތް ކަމަށާއި، ފަރުވާގެ ޕްރޮގްރާމް ފުރިހަމަކޮށްފައިވާއިރު ކުރީގެ ކުށަކަށް ދަޢުވާކުރުމަކީ ޤާނޫނުގެ ރޫޙާ ޚިލާފު ކަމެއް ކަމަށެވެ.

ކަސްޓޯޑިއަލްގައި ހަށިގަނޑު ބަލައި ފާސްކޮށް ހޯދި ހެކި ބާޠިލުތޯ، ތަޙުލީލަށް ފޮނުވި ތަކެއްޗަށް ބަދަލު އައުމުގެ އިޙްތިމާލު އޮތްތޯ، އަދި ތުހުމަތުކުރެވޭ ފަރާތް ފަރުވާގެ ޕްރޮގްރާމް ފުރިހަމަކޮށްފައިވާއިރު ވިޔަފާރީގެ ބޭނުމަށް މަސްތުވާއެއްޗެއް އަތުގައި ބެހެއްޓުމުގެ ކުށުގެ ދަޢުވާ ކުރިއަށް ގެންދިއުމަކީ މަސްތުވާތަކެއްޗާބެހޭ ޤާނޫނުގެ ރޫޙާ ޚިލާފު ކަމެއްތޯ.

އިސްތިއުނާފު ބާޠިލު، ދަށުކޯޓުގެ ޙުކުމް ޤާއިމް

ބަލައި ފާސްކުރީ ޤަވާޢިދުގެ 33 ވަނަ މާއްދާގެ ދަށުން ޝިފްޓް އިންޗާޖުގެ ހުއްދަ ލިބިގެން ކަމަށާއި، ޗެއިން އޮފް ކަސްޓަޑީ ފޯމުން ތަކެތި ފޮރެންސިކަށް ދިޔަގޮތް އެނގޭތީ ބަދަލު އައުމުގެ އިޙްތިމާލެއް ނެތް ކަމަށާއި، ފަރުވާއަކީ ޤާނޫނުގެ ހަމައެކަނި މަޤްޞަދު ނޫން ކަމަށާއި ފަރުވާ ފެށީ މައްސަލަ ހުށަހެޅުމަށްފަހު ކަމަށް ކޯޓުން ނިންމިއެވެ.