ޙަސަން އަންވަރު ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން މަސްތުވާތަކެއްޗާބެހޭ ޤާނޫނުގެ 2 (ހ) ގެ ދަށުން ވިޔަފާރީގެ ބޭނުމަށް މަސްތުވާތަކެތި އަތުގައި ބެހެއްޓުމުގެ ކުށް ސާބިތުކޮށް 2 (ރ) ގެ ދަށުން ޢުމުރަށް ޖަލަށްލުމަށް ޙުކުމްކުރިއެވެ.

2008 ޑިސެމްބަރު 23 ގައި ގަމަށް އައި ފްލައިޓުން ފައިބައިގެން ނުކުތުމުން ފުލުހުން ހުއްޓުވައި ޕޮލިސް ސްޓޭޝަނުގައި ގާތުން ބަލާފާސްކުރިއިރު ޖަނގިޔާ ތެރެއިން 17.5293 ގްރާމް އޯޕިއޭޓްސް ހުރި 10 ޕެކެޓް ފެނުނެވެ؛ ކުޑަކަމުދާތަކެތި ކެނަބިސްއަށް ޕޮޒިޓިވްވިއެވެ.

އިސްތިއުނާފުކުރި ފަރާތުން ބުނީ ޑިއުޓީ އިންޗާޖުގެ ހުއްދައެއް ނެތި، ޤަވާޢިދުގެ 33 ވަނަ މާއްދާއާ ޚިލާފަށް ބަލާފާސްކޮށް ހޯދި ހެކީގެ މައްޗަށް ޙުކުމްކުރިކަމަށެވެ. ދައުލަތުން ބުނީ ފުލުހުންގެ ސިޓީއިން ބަލާފާސްކުރީ ޤަވާޢިދާ އެއްގޮތަށްކަން އެނގޭ ކަމަށެވެ.

ޖިނާއީ އިޖުރާއަތުގެ ޤާނޫނު އައުމުގެ ކުރިން ފުލުހުން ގާތުން ބަލާފާސްކޮށް ހޯދި މަސްތުވާތަކެތި، ޑިއުޓީ އިންޗާޖުގެ ހުއްދައެއް ލިޔުމުން ހުށަނާޅާތީ ޤާނޫނާ ޚިލާފަށް ހޯދި ހެއްކެއް ކަމުގައި ބެލެވޭނެތޯ، އަދި އެ ހެކީގެ މައްޗަށް ވިޔަފާރީގެ ބޭނުމަށް މަސްތުވާތަކެތި އަތުގައި ބެހެއްޓުމުގެ ކުށް ސާބިތުކުރުން ޞައްޙަތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެ ދުވަސްވަރުގެ ޤަވާޢިދުގެ ދަށުން ޑިއުޓީ އިންޗާޖަށް އަނގަބަހުން ހުއްދަ ދެވޭތީއާއި ސްޓޭޝަނުގައި ބަލާފާސްކުރުމުން ހުއްދަ އޮތް ކަމަށް ބެލެވޭތީ، ހެކި ހޯދީ އިޖުރާއަތާ ޚިލާފަށް ކަމަށް ނުބެލެވޭ ކަމަށާއި، ހެކި ޞައްޙަ ދަލީލެއް ކަމަށާއި، އައު ނުކުތާއެއް އިސްތިއުނާފުގައި ނުބެލޭނެ ކަމަށް ކަނޑައަޅައި ޙުކުމް ޤާއިމްކުރިއެވެ.