ޢަލީ ޒުހައިރު ވ. ޒާހިރާ ސުލައިމާން

ފެމިލީ ކޯޓުން 2 މަސްދުވަހުގެ ތެރޭގައި ބައްޕަގެ ގެ (ހ. ލޭކްސައިޑް) އިން ކުދިންނަށް ދިރިއުޅޭނެ ތަނެއް ދެއްކުމަށް އެންގިއެވެ.

ކުދިން ދިރިއުޅޭނެ ތަނެއް ދެއްކުމަށް ބައްޕައަށް 2014 ގައި ކުރި ޙުކުމާ އެއްގޮތަށް ޢަމަލުނުކުރާތީ ފެމިލީ ކޯޓުގެ ޙުކުމް ތަންފީޛުކުރާ ޑިވިޜަނުގެ އިސްނެގުމުން ބެލި މައްސަލައެކެވެ. ބައްޕަ ހުޅުމާލެއިން ދެއްކީ ފްލެޓެއްގެ 1 ކޮޓަރިއެވެ.

ބައްޕަ ބުނީ އަސްލު ޙުކުމުގައި ވަކި ތަނެއް ޚާއްޞަނުކުރާތީ އެ ގެއިން ތަނެއް ދެއްކުމަށް އެންގުމަކީ ތަންފީޛުކުރުމެއް ނޫންކަމަށާއި، ކުއްޔަށް ހިފި ތަނާއި ކުލި ދެއްކުމަށް ތައްޔާރުކަމަށް ބުނި ވާހަކައަށް ރިޢާޔަތްނުކުރާކަމަށާއި، މަންމަ ގެއަށް ވެއްދުމުން މަޞްލަޙަތު ގެއްލޭނެކަމަށާއި، ހެކި ނެތި ޚަޞްމުގެ ބަހަށް ބަލައި ނިންމާފައިވާކަމަށެވެ.

ކުދިން ދިރިއުޅޭނެ ތަނެއް ދެއްކުމަށް ބައްޕައަށް ކުރި ޙުކުމް ތަންފީޛުކުރުމުގައި، ބައްޕަގެ ގެއިން ކުދިންނަށް ތަނެއް ދެއްކުމަށް ފެމިލީ ކޯޓުން އެންގުން ރަނގަޅުތޯ، ނުވަތަ ތަންފީޛުކުރުމުގެ އެންމެ މަޞްލަޙަތު ހުރި ގޮތަކީ ކޮބައިތޯ.

ބައެއް ބަދަލުކުރި

ކުދިންނަށް ތަނެއް ދެއްކުމަކީ ބައްޕަގެ ވާޖިބެއް ނަމަވެސް، ބައްޕަގެ ގެއަށް ވެއްދުމުން މަޞްލަޙަތު ގޯސްވެދާނެތީ އަދި 1 ކޮޓަރިއަކީ އެކަށީގެންވާ ތަނެއް ނޫންތީ، މާލޭގެ ކުލީގެ ޢާއްމު ރޭޓަށް ބަލައި މަހަކު 12,500ރ. ފެމިލީ ކޯޓު މެދުވެރިކޮށް ދެއްކުމަށް ބަދަލުކުރެވުނެވެ.