އަޙްމަދު ޒަމީން ވ. ްރޮސިކިއުޓަރ ޖެނެރަލްގެ އޮފީސް

ކްރިމިނަލް ކޯޓުން، ތުހުމަތުކުރެވޭ ފަރާތުގެ އިޢުތިރާފުން ދަޢުވާ ސާބިތުވާކަމަށް ކަނޑައަޅައި، ދިހަ ހާސް ރުފިޔާއިން މަތީގެ ސަރުކާރުގެ ފައިސާއަށް ޚިޔާނާތްތެރިވުމުގެ ކުށުން ކުށްވެރިކޮށް، ޤާނޫނުލްޢުޤޫބާތުގެ 16 ވަނަ މާއްދާއަށް ރިޢާޔަތްކޮށް 25 އަހަރަށް ޖަލަށްލުމަށާއި ފައިސާ އަނބުރާ ދެއްކުމަށް ޙުކުމްކުރިއެވެ.

ޑޮލަރު ހޯދައިދިނުމަށް ވެވުނު އެއްބަސްވުމެއްގެ ދަށުން މޯލްޑިވްސް ނެޝަނަލް ބްރޯޑްކާސްޓިންގ ކޯޕަރޭޝަނުން އިސްތިއުނާފުކުރި ފަރާތާ ޙަވާލުކުރި ފައިސާއަށް ޑޮލަރު ހޯދައިނުދީ، ފައިސާއަށް ޚިޔާނާތްތެރިވެފައިވާކަމަށް ބުނެ ދައުލަތުން ދަޢުވާ އުފުލި މައްސަލައެކެވެ.

އިސްތިއުނާފުކުރި ފަރާތުން ބުނީ ވަކީލަކު ހަމަނުޖެހެނީސް މައްސަލަ ނިންމި ކަމަށާއި، ތަޙުޤީޤުކުރި ކުށާ ތަފާތު ކުށެއްގެ ދަޢުވާ އުފުލީ ޤާނޫނުއަސާސީގެ 268 ވަނަ މާއްދާއާއި 2013/HC-A/211 އާ ޚިލާފަށް ކަމަށާއި، ޚިޔާނާތުގެ އުންޞުރުތައް (2010/HC-A/41) ފުރިހަމަނުވާ ކަމަށެވެ. ނުބައި ނިޔަތެއް ނެތްކަމަށްވެސް ބުންޏެވެ.

ސަރުކާރުގެ ފައިސާއަށް ޚިޔާނާތްތެރިވުމުގެ ކުށުގެ މައްސަލައެއްގައި، ތުހުމަތުކުރެވޭ ފަރާތަށް ޤާނޫނީ ވަކީލަކު ޢައްޔަންކުރުމުގެ ފުރުޞަތު ދީފައިވޭތޯއާއި، ތަޙުޤީޤުގައި ތުހުމަތުކުރި ކުށާ ތަފާތު ކުށެއްގެ ދަޢުވާ އުފުލުމަކީ ޤާނޫނުއަސާސީގެ 268 ވަނަ މާއްދާއާއި 2013/HC-A/211 ގެ އުޞޫލާ ޚިލާފު ކަމެއްތޯއާއި، ޚިޔާނާތުގެ ކުށުގެ އުންޞުރުތައް ފުރިހަމަވެފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ވަކީލަކު ހަމަޖެއްސުމަށް ތަކުރާރުކޮށް ފުރުޞަތު ދީފައިވާތީ ޙައްޤު ގެއްލިފައި ނުވެއެވެ. ދަޢުވާ ކުރީ ތަޙުޤީޤުކުރި ޢަމަލަށް ބިނާކޮށް، ތުހުމަތު އެންގުމަށްފަހު ހޯދި ހެކީގެ މައްޗަށް ކަމުން 2013/HC-A/211 ގެ އުޞޫލު ނުހިނގައެވެ. އެއްބަސްވުމާއި އިޢުތިރާފާއި ޢަމަލުތަކުން ޚިޔާނާތުގެ ހަތަރު އުންޞުރުވެސް ފުރިހަމަވިއެވެ.