އަޙްމަދު ޔާސިރު ވ. ޢާއިޝަތު މޫސާ

ފެމިލީ ކޯޓުން 16,609.07 ރުފިޔާ ބައްޕައިން މަންމައަށް ދައްކަންޖެހޭކަމަށް ކަނޑައަޅައި، ޢާއިލާއާބެހޭ ޤަވާޢިދުގެ 67 (ހ) އަށް ރިޢާޔަތްކޮށް މަހަކު 1384 ރުފިޔާއަށްވުރެ ނުމަދުކޮށް މުސާރައިން ކަނޑައި 12 މަސްދުވަހުގެ ތެރޭގައި ޚަލާސްކުރުމަށް މުވައްޒަފު ކުރާ ތަނަށް އަމުރުކުރިއެވެ.

ފެމިލީ ކޯޓުގެ 2013/Fm-C/1042 ޤަޟިއްޔާއިން ދަރިފުޅުގެ އެހެނިހެން ޚަރަދު ބައްޕައަށް ލާޒިމުކޮށްފައިވާއިރު، ބައްޕަ އެ ޚަރަދު ނުދެއްކުމުން މަންމަ ކުރި ޚަރަދު (ބޭސްފަރުވާ، ބޭސް، 2016 ވަނަ އަހަރުގެ ސްކޫލު ފީ، ޔުނިފޯމް) ހޯދުމަށް މަންމަ ދަޢުވާކުރިއެވެ.

ބައްޕަ ބުނީ ޚަރަދުތައް ނަގައިދީފައިވަނީ ޢާއިލާއާބެހޭ ޤަވާޢިދުގެ 66 ވަނަ މާއްދާއާ ޚިލާފަށް ކަމަށާއި، ބޭސްފަރުވާގެ ޚަރަދު 66 (ނ) ގެ ދަށުން ބަލަންޖެހޭ ކަމަށާއި، ސްކޫލު ފީ 2 އަހަރު ފަހުން ހޯދަން އެދުނު ފައިސާއެއް ކަމަށާއި، UCMAS ގެ ފީ ނަގައިދީފައިވާ ކަމަށެވެ.

ކުރިން ކުރެވިފައިވާ ޙުކުމަކުން ބައްޕައަށް ލާޒިމުކޮށްފައިވާ ދަރިފުޅުގެ އެހެނިހެން ޚަރަދު ނުދެއްކުމުން މަންމަ ކުރި ޚަރަދު (އަމިއްލަ ހޮސްޕިޓަލުގެ ފަރުވާގެ ޚަރަދާއި ސްކޫލު ފީ ހިމެނޭ ގޮތަށް) ބައްޕަގެ ކިބައިން ނަގައިދިނުމަކީ ޢާއިލާއާބެހޭ ޤަވާޢިދުގެ 66 ވަނަ މާއްދާއާ ޚިލާފު ކަމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކުއްޖާގެ ބަލީގެ ސީރިއަސްކަމާ ގުޅިގެން އަވަސް ފަރުވާއަށް އަމިއްލަ ހޮސްޕިޓަލަށް ދެއްކުމުގެ ޚަރަދާއި، އިންކާރުނުކުރި ބޭހުގެ ބިލާއި، ފީކާޑުން ސާބިތުވާ ސްކޫލު ފީ ނަގައިދިނީ ރަނގަޅަށް ކަމާއި، UCMAS ގެ ފައިސާ ޖުމްލަ ޢަދަދުގައި ހިމެނިފައި ނުވާކަމުން ޙުކުމަށް ބަދަލު ގެންނަންޖެހޭ ސަބަބެއް ނެތެވެ.