އަޙްމަދު ވަޙީދު ވ. ޙުސައިން ވަޙީދު

ޢިމާރާތަކީ އިސްތިއުނާފުކުރި ފަރާތުގެ ޚަރަދުގައި ކުރި ޢިމާރާތެއްކަމަށާއި ޖުމްލަ ޚަރަދު 3,441,370.00ރ. ކަމަށް ކަނޑައަޅައި، އޭގެ ދެބައިކުޅަ އެއްބައި 1,720,685.00ރ. ދައްކައި ޚަލާޞްކުރުމުގެ ކުރިން ފްލޯތަކުން އޭނާ ނެރެވޭނެ ނުވާނެކަމަށް ސިވިލް ކޯޓުން ޙުކުމްކުރިއެވެ.

އެއްބަނޑު އެއްބަފާ ދެ އަޚުންގެ ދެ ގޯތި އެއްކޮށް، ގޯތީގެ ވެރިފަރާތުގެ ރުހުމާއެކު އިސްތިއުނާފުކުރި ފަރާތުން ބުރިތަކެއްގެ ޢިމާރާތެއް ކުރުމަށްފަހު ބައެއް ފްލޯތައް އޭނާއާ ޙަވާލުކުރެވިފައިވެއެވެ. ގޯތީގެ ވެރިފަރާތުން ފްލޯތައް ހުސްކޮށް ޙަވާލުކުރުމަށް ދަޢުވާކުރިއެވެ؛ އަނެއް ފަރާތުން ބުނީ ފްލޯތައް އަހަރުތަކެއްދުވަހަށް ލިބޭގޮތަށް އެއްބަސްވެގެން ޢިމާރާތްކުރި ކަމަށެވެ.

އިސްތިއުނާފުކުރި ފަރާތުން ބުނީ ޢިމާރާތުގެ އަގު ކޮންކްރީޓް މަސައްކަތުގެ އެއްބަސްވުމުގެ އަގަށް ކަނޑައެޅީ އޭނާގެ ވާހަކަތަކަށް ރިޢާޔަތްނުކޮށް ކަމަށާއި އޭނާގެ ޙައްޤު ގެއްލުނު ކަމަށެވެ. ރައްދުވި ފަރާތުން ބުނީ ހުށަހެޅި ލިޔެކިއުންތަކާއި ބަޔާންތަކަށް ބަލައި ޤާނޫނާ އެއްގޮތަށް ކަނޑައެޅި ކަމަށެވެ.

ދެ ގޯތި އެއްކޮށްގެން ކުރި ޢިމާރާތުގެ ޖުމްލަ އަގަކީ ކޮންކްރީޓް މަސައްކަތުގެ އެއްބަސްވުމުގައިވާ 3,441,370.00ރ. ކަމަށް ސިވިލް ކޯޓުން ކަނޑައެޅީ ރަނގަޅަށްތޯ.

ޢިމާރާތުގެ ޖުމްލަ އަގު ސިވިލް ކޯޓުން ކަނޑައެޅީ ރަނގަޅަށްނޫންކަމަށް ނިންމި (ޙުކުމުގެ ނިންމުމުގެ ބައި ފައިލުގައި ނެތް)

ޢިމާރާތުގެ ޖުމްލަ އަގާމެދު ދެފަރާތުން ހެކި ހުށަހަޅާފައި ނުވާއިރު، ބިނާކުރި އެއްބަސްވުމަކީ ކޮންކްރީޓް މަސައްކަތް އެކަނި ކުރުމުގެ އެއްބަސްވުމަކަށްވެ، އެ ހުށަހަޅާފައިވަނީ ޚަރަދުކުރި ފަރާތް ސާބިތުކުރުމަށް ކަމަށްވާތީ، އޭގެ އަގަކީ ޢިމާރާތުގެ ޖުމްލަ ޚަރަދަށް ބެލެވިގެން ނުވާނެ ކަމަށެވެ.