އަޙްމަދު އިބްރާހީމް ވ. އަޙްމަދު ޝަމީމް

ފެމިލީ ކޯޓުން، ތަރިކައިގެ ޢިމާރާތްތަކާއި ވަޅުފަދަ ތަންތަން ހަތަރު ވާރިޘުންގެ މެދުގައި ހަމަހަމައަށް ބަހައި ކޮންމެ މީހަކަށް 1/4 ބައި މިލްކުވެއްޖެކަމަށް ޙުކުމްކުރި.

2010 ގައި ނިޔާވި މަރުޙޫމާގެ ތަރިކައިގައިވާ ބަންޑާރަ ގޯއްޗެއްގެ ބައިގައިވާ ޢިމާރާތްތަކާއި ވަޅުފަދަ ތަންތަން ހަ ވާރިޘުންގެ މެދުގައި ބެހުމަށް ހުށަހެޅި މައްސަލައެއް؛ ދެ ވާރިޘުން އެމީހުންގެ ބައި އެހެން ހަތަރު ވާރިޘުންނަށް ހަދިޔާކޮށްފައިވި.

އިސްތިއުނާފުކުރި ފަރާތުން ބުނީ ބިމާބެހޭ ޤާނޫނުގެ 15 ވަނަ މާއްދާއަށް 25/2015 އިން ގެނެވުނު ބަދަލާ ގުޅިގެން ވާރިޘުން ނިންމަންޖެހޭ ނިންމުންތައް ނިންމައި ހާމަކުރުމުގެ ފުރުޞަތު ނުދީ ޙުކުމްކުރި ކަމަށް.

ބިމާބެހޭ ޤާނޫނަށް ގެނެވުނު 5 ވަނަ އިޞްލާޙުން ދިވެހިރާއްޖޭގެ ބިމާބެހޭ ޤާނޫނުގެ 15 ވަނަ މާއްދާއަށް ގެނެވުނު ބަދަލާ ގުޅިގެން ވާރިޘުންނަށް ނިންމުމެއް ނިންމުމުގެ ފުރުޞަތު ނުދީ ތަރިކަ ބެހުމުގެ ޙުކުމް ކުރުމުން ޙުކުމަށް ބަދަލު ގެންނަން ޖެހޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އިޞްލާޙު ބާރުގައި ހުއްޓައި ވާރިޘުންގެ ބަސް ނުހޯދުމުގެ ނުކުތާ ޤަބޫލުކުރެވުނު ނަމަވެސް، ހައިކޯޓުގައި ސުވާލުކުރުމުން ވާރިޘުން ކުރީގެ ނިންމުމުގައި ދެމިހުރުމުން ވަގުތު ދިން ނަމަވެސް ނިންމުމަށް ބަދަލު ނާންނާނެކަމަށް.