ޢަދުނާން މުޙައްމަދު ވ. ޢަލީ ޝަމީމް

ފޭދޫ މެޖިސްޓްރޭޓް ކޯޓުން 4 ވާރިސުންނަށް ތަރިކައިގެ 1/4 ބައި ކޮންމެ މީހަކަށް ލިބޭކަމަށާއި، ދެ ވާރިސުން އެމީހުންގެ ބައި ދެ މީހަކަށް ހަދިޔާކުރި ގޮތަށް ކުރެހުމުގައިވާ ގޮތަށް ބައިކުރަން ޙުކުމްކުރިއެވެ.

ނިޔާވި މީހެއްގެ ތަރިކަ (ސ. ފޭދޫގެ ބަންޑާރަ ގޯއްޗެއްގެ ނުއުފުލޭ މުދާ) ވާރިސުންގެ މެދުގައި ބެހުމަށް އޭނާގެ ދަރިއަކު ދަޢުވާކުރިއެވެ. ވާރިސުން ކަނޑައެޅީ 30/S4C/2014 ޤަޟިއްޔާގައެވެ. އިސްތިއުނާފުކުރި ފަރާތަކީ އުފަންދުވަހުގެ ސެޓްފިކެޓުގައި މަރުޙޫމުގެ ދަރިއެއްކަމަށް ބަޔާންކޮށްފައިވާ ފަރާތެކެވެ.

އިސްތިއުނާފުކުރި ފަރާތް ބުނީ އޭނާއަކީ މަރުޙޫމުގެ ވާރިސެއްކަމުގައި ވާއިރު އޭނާ ނުހިމަނައި ތަރިކަ ބަހާފައިވާކަމަށެވެ.

ނިޔާވި މީހެއްގެ ތަރިކަ ބެހުމުގައި އޭނާގެ ވާރިސެއްކަމަށް ބެލެވޭ ފަރާތެއް ނުހިމަނައި ބެހުމުން، ތަރިކަ ބެހި ޙުކުމް ބާޠިލުކޮށް ވާރިސުން އަލުން ސާބިތުކުރަންޖެހޭތޯ.

ދަށުކޯޓުގެ ޙުކުމް ބާޠިލު؛ ވާރިސުން އަލުން ސާބިތުކޮށް ތަރިކައިގެ މައްސަލަ އަލުން ބެލުމަށް ފޮނުވި

އުފަންދުވަހުގެ ސެޓްފިކެޓުތަކުން އިސްތިއުނާފުކުރި ފަރާތާއި އިތުރު އަންހެން ދަރިއަކުވެސް ހުރިކަމަށް ބެލެވޭތީއާއި، ވާރިސުން ހޯދުމުގެ އިޢުލާނުގައި އެޑްރެސް އޮޅުންއަރާފަދަ ގޮތަކަށް ހުރީތީ، ބައެއް ވާރިސުން ނުހިމެނި ބެހިކަމަށް ބެލެވޭތީ ޙުކުމް ބާޠިލުކޮށް މައްސަލަ އަލުން ބެލުމަށް ފޮނުވިއެވެ.