ޢަބްދުލްޢަޒީޒް މޫސާ ވ. އިންޓަރލޮކް ކޮންސްޓްރަކްޝަން ޕވޓ ލޓޑ

ސިވިލް ކޯޓުން ދަޢުވާކުރާ ފަރާތަށް ދޭން ބަޔާންކޮށްފައިވާ 262،925 ރުފިޔާ ދައްކަން ކަނޑައަޅައި، އެހެން އެއްބަސްވުންތަކުގެ ފައިސާ ދޭންޖެހޭކަން ސާބިތުނުވާކަމަށް ޙުކުމްކުރިއެވެ.

21 އޮކްޓޫބަރު 2008 ގައި ވެވުނު ފަސް އެއްބަސްވުމުގެ ދަށުން، ކުންފުނީގެ ދަރަނިތައް ދެއްކުމަށް ކުންފުނީގެ ޢިމާރާތްތަކުގެ ކުލި ދަޢުވާކުރާ ފަރާތަށް ލިބޭގޮތަށް ހަމަޖައްސާފައިވާކަމަށް ބުނެ، ކުންފުނިން ދޭންޖެހޭ 3،468،775.70 ރުފިޔާ ހޯދުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ފައިސާ ދެއްކިތޯ ސުވާލުކޮށް ހެކި ހުށަހަޅަން ފުރުޞަތު ނުދީ ނިންމި ކަމަށާއި، ކުލި ހުއްޓުވި ސިޓީތަކަށް ރިޢާޔަތްނުކުރި ކަމަށެވެ. ކުންފުނިން ބުނީ އެއްބަސްވުންތަކަކީ ނުބައި ނިޔަތުގައި ތައްޔާރުކުރި ލިޔުންތަކެއް ކަމަށެވެ.

ކުންފުނީގެ ދަރަނިތައް ދެއްކުމަށް ކުލި ލިބޭގޮތަށް ވެވުނު ފަސް އެއްބަސްވުމުގެ ދަށުން ދަޢުވާކުރި ފައިސާ ހޯދުމުގައި ސާބިތުކުރުމުގެ ބުރަ އުފުލާފައިވޭތޯއާއި، ހުށަހެޅިފައިވާ ހެކީގެ އިތުރަށް ހެކި ހުރިތޯ ސުވާލުނުކުރުމަކީ ފަނޑިޔާރުންގެ ޤާނޫނާ ޚިލާފު ކަމެއްތޯއާއި، ކުލި ހުއްޓުވި ސިޓީތަކަށް ރިޢާޔަތްނުކުރުމުގެ އަސަރު.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ސާބިތުކުރުމުގެ ބުރަ އޮތީ ދަޢުވާކުރާ ފަރާތުގައި ކަމާއި، ފަނޑިޔާރު ބަލަންވާނީ ހުށަހެޅުނު ހެއްކަށް ކަމާއި، މުޤާބިލެއް ސާބިތުނުވާތީ އެއްބަސްވުންތައް ތަންފީޛުކުރެވޭ ކޮންޓްރެކްޓެއް ނޫންކަމާއި، ސިޓީތަކުން ޙުކުމަށް ބަދަލެއް ނާންނާނެ ކަމަށެވެ.