ޢަބްދުއްރަޝީދު އިބްރާހީމް ވ. އަޙްސަން ނިޒާރު

ސިވިލް ކޯޓުން އެއްބަސްވުން ބާޠިލުކޮށް، 950,000 ރުފިޔާ ގަންނަ ފަރާތަށް ދައްކަން ޙުކުމްކުރިއެވެ.

ހުޅުމާލޭގެ ގޯއްޗެއް 1,300,000 ރުފިޔާއަށް ވިއްކުމުގެ އެއްބަސްވުމެއްގެ ދަށުން ގަންނަ ފަރާތުން 300,000 ރުފިޔާ ނަގުދުން އަދި 650,000 ރުފިޔާގެ އަގުގައި ލޯންޗެއް ދިނުމަށްފަހު، ވިއްކާ ފަރާތުން ގޯތި ޙަވާލުނުކުރުމުން އެއްބަސްވުން ބާޠިލުކޮށް ފައިސާ ހޯދުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ލޯންޗު މަރާމާތަށް 975,000 ރުފިޔާ ޚަރަދުކުރި ކަމަށާއި، ގަންނަ ފަރާތުން ވަގަށް ލޯންޗު ވިއްކާލި ކަމަށާއި، ހެކިބަހަށް ރިޢާޔަތް ނުކުރި ކަމަށެވެ (ކޮންޓްރެކްޓާބެހޭ ޤާނޫނުގެ 16، 23 ވަނަ މާއްދާ، ޤާނޫނުއަސާސީގެ 42(ށ)، ފަނޑިޔާރުންގެ ޤާނޫނުގެ 5(ށ)(1)).

ގޯތި ވިއްކުމުގެ އެއްބަސްވުން ބާޠިލުވުމުން ގަންނަ ފަރާތުން ދީފައިވާ ފައިސާ އަނބުރާ ދޭންޖެހޭއިރު، ފައިސާގެ ބަދަލުގައި ދިން ލޯންޗު މަރާމާތަށް ހިނގި ޚަރަދު ކެނޑުމާއި ލޯންޗު ވިއްކި ކަމުގެ ދަޢުވާއަށް ދަށުކޯޓުން ރިޢާޔަތްނުކުރުމަކީ ޚިލާފު ނިންމުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

މަރާމާތުގެ ޚަރަދު ސާބިތުކުރުމުގެ ބުރަ އޮތީ އިސްތިއުނާފުކުރި ފަރާތުގައި ކަމަށާއި، އެކަމުގެ ހެއްކެއް ނެތެވެ. ލިޔެކިޔުމާއި ހެކިބަހުން ފެންނަނީ ލޯންޗު ވިއްކައިގެން ފައިދާ ލިބުނީ އިސްތިއުނާފުކުރި ފަރާތަށް ކަމެވެ.