މޫސާ ޢަބްދުއްރަޙީމް ވ. ޢަބްދުﷲ ޢަބްދުއްރަހީމް

ނިލަންދޫ މެޖިސްޓްރޭޓް ކޯޓުން ފައިބަރު ދޯންޏާއި ގިރިޓީ ދޯންޏަކީ ތަރިކަ މުދާ ކަމަށް ކަނޑައަޅައި ގޯތީގެ ބައި ހަތްބައިކުޅަ ގޮތަށާއި، ދޯނިތަކާއި ރުއްގަސް ފަސްބައިކުޅަ ގޮތަށް ވާރިޘުންނަށް ބެހިއެވެ.

މަރުޙޫމާ ނިޔާވުމާ ގުޅިގެން ތަރިކަ ބެހުމަށް ފިރިހެން ދަރިއަކު ހުށަހެޅި މައްސަލައެއްގައި، ބަންނަމުންދާ ފައިބަރު ދޯންޏަކީ އޭނާގެ އަމިއްލަ ދޯންޏެއް ކަމަށް އޭނާ ބުނުމާއެކު، އެހެން ވާރިޘުން ބުނީ އެއީ މަރުޙޫމާގެ 'ގިރިޓީ' ދޯނީގެ މަންފާއިން ބަނާ ދޯންޏެއް ކަމަށެވެ.

އިސްތިއުނާފުކުރި ފަރާތުން ބުނީ ދަފްޢު ސާބިތުކުރުމުގެ ބުރަ އުފުލަންޖެހެނީ އެހެން ވާރިޘުން ކަމަށާއި، ދޯނި ރަސްމީ ލިޔުންތަކުގައި ރަޖިސްޓްރީވެފައިވަނީ އޭނާގެ ނަމުގައި ކަމަށާއި، ޔަޤީނީ ދަލީލު ނަފީވާނީ ޔަޤީނީ ދަލީލަކުން ކަމަށާއި، ގޭގައި ބެހި ބެހުމަށް ބަލައިގެން ނިންމުން ރަނގަޅުނޫން ކަމަށެވެ.

ތަރިކަ ބެހުމުގެ މައްސަލައެއްގައި، ވާރިޘަކުގެ ނަމުގައި ރަސްމީ އިދާރާތަކުން ލިޔުންތައް ދޫކޮށްފައިވާ، ބަންނަމުންދާ ފައިބަރު ދޯންޏަކީ މަރުޙޫމާގެ ތަރިކަ މުދަލުގެ ބައެއްތޯ، އަދި ދޯނި ތަރިކައިގެ މަންފާއިން ބަނުމުގެ ދަފްޢު ސާބިތުކުރުމުގެ ބުރަ އުފުލަންޖެހެނީ ކޮން ފަރާތަކުންތޯ.

ބައެއް ބަދަލުކުރި

ދޯނި ގިރިޓީ ދޯނީގެ މަންފާއިން ބަނާކަން ސާބިތުކުރުމުގެ ބުރަ އެ ދަފްޢު ކުރި ވާރިޘުންގެ މައްޗަށް އޮތް ނަމަވެސް އެކަން ސާބިތުވާވަރަށް ހެކި ނެތުމާއި، ދައުލަތުގެ އިދާރާތަކުން ދޫކުރި ހުރިހާ ލިޔުމެއް އިސްތިއުނާފުކުރި ފަރާތުގެ ނަމުގައި ހުރުމުން، ފައިބަރު ދޯނި އޭނާގެ މިލްކު ކަމަށް ކަނޑައަޅައި ތަރިކައިން އުނިކުރިއެވެ. ގޯތީގެ ބައި ބެހި ގޮތަށް ތާއީދުކުރިއެވެ.