ޢަބްދުލްމުޙައިމިން އާދަމް ވ. ޕްރޮސިކިއުޓަރ ޖެނެރަލް

ނޫމަރާ މެޖިސްޓްރޭޓް ކޯޓުން ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 47 ވަނަ މާއްދާގެ ހަތް ބާވަތެއްގެ ހެކި ފުރިހަމަވާތީ ދަޢުވާ އެކަށީގެންވާ ޝައްކެއް ނެތް މިންވަރަށް ސާބިތުވާކަމަށް ކަނޑައަޅައި، 20 އަހަރުގެ ޖަލު ޙުކުމް ކުރިއެވެ.

2013 އޮކްޓޯބަރުގައި ތުހުމަތުކުރެވޭ ފަރާތް ށ. ފުނަދޫގައި ހުރިއިރު، އާއިލާގެ ކުއްޖަކާ މެދު ޖިންސީ ޢަމަލެއް ހިންގިކަމަށް ދައުލަތުން ދަޢުވާކުރިއެވެ. ކުއްޖާ ޙާދިޘާ ކިޔައިދީފައިވަނީ އަދި ބޭސްފަރުވާއަށް ގެންގޮސްފައިވަނީ ހާދިޘާ ހިނގާތާ ދެމަސްދުވަސް ފަހުންނެވެ.

އިސްތިއުނާފުކުރި ފަރާތުން ބުނީ ތަޙްޤީޤުގައި ޙައްޤުތައް ނުދީ ހެކި ހޯދާފައިވާކަމާއި، 2014/SC-A/31 އާއި ޤާނޫނުއަސާސީގެ 53 (ށ) އާ ޚިލާފަށް ޝަރީޢަތްކޮށްފައިވާކަމާއި، 2012/SC-A/01 އާއި 2012/SC-A/27 ގެ ހެކިބަސް ބަލައިގަތުމުގެ އުޞޫލާ ޚިލާފުވެފައިވާކަމާއި، ޝައްކު އުފެދޭ ކަންކަމަށް ރިޢާޔަތްނުކޮށް ކުށް ސާބިތުކޮށްފައިވާކަމެވެ.

ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނުގެ 15 ވަނަ މާއްދާގެ (ށ)ގެ ދަށުން ޢާއިލާގެ މެމްބަރަކާއެކު ޖިންސީ ޢަމަލެއް ހިންގުމުގެ ކުށުގައި ކުށްވެރިކުރުމަށް، އެ ޤާނޫނުގެ 47 ވަނަ މާއްދާގައިވާ މަދުވެގެން 5 ބާވަތެއްގެ ހެކި ހަމަވެފައިވޭތޯއާއި، ތަޙްޤީޤުގައި ޙައްޤުތައް ގެއްލުވާފައިވޭތޯއާއި، ވަކީލެއް ނެތި ޝަރީޢަތް ކުރިއަށް ގެންދިއުން ޞައްޙަތޯ.

ދަށުކޯޓުގެ ޙުކުމް ބާޠިލު

ތަޙްޤީޤާއި ވަކީލާއި ހެކި ވަޒަންކުރުމުގެ ޢާންމު އުޞޫލާ ބެހޭ ނުކުތާތައް ޤަބޫލުނުކުރިނަމަވެސް، ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 47 ވަނަ މާއްދާގެ ދަށުން ހުރީ 3 ބާވަތެއްގެ ހެކި ކަމާއި، މެޑިކޯ ލީގަލް ރިޕޯޓުން ހާދިޘާއަށް ބާރެއް ނުދޭކަމާއި، ބަޔާންތައް ދީފައިވަނީ ގިނަ ދުވަސްތަކެއް ވީފަހުން ކަމާއި، (ޅ)، (ކ)، (ދ) ވަކިވަކި ހެކި ކަމަށް ނުބެލޭނެކަމަށް 2014/HC-DM/01 ގައި ކަނޑައަޅާފައިވާތީ ކުށް ސާބިތުނުވާކަމެވެ.