ޢަބްދުލްމަޖީދު އާދަމް ވ. ޕްރޮސެކިއުޓަރ ޖެނެރަލްގެ އޮފީސް

މުޖުތަމަޢުގެ ސަލާމަތަށްޓަކައި ތުހުމަތުކުރެވޭ މީހާ ބަންދުގައި ބެހެއްޓުމަށް ކްރިމިނަލް ކޯޓުން އަމުރުކުރިއެވެ.

އެއްޖިންސުން ޖިންސީ ގުޅުން ހިންގާކަމުގެ މަޢުލޫމާތު ލިބިގެން ކްރިމިނަލް ކޯޓުގެ ހައްޔަރުކުރުމުގެ އަމުރެއްގެ ދަށުން ތުހުމަތުކުރެވޭ މީހާ ހައްޔަރުކޮށް، 24 ގަޑިއިރުގެ ތެރޭގައި ފަނޑިޔާރެއްގެ ކުރިމައްޗަށް ޙާޟިރުކުރެވުނެވެ.

އިސްތިއުނާފުކުރި ފަރާތުން ބުނީ، ޤާނޫނާ ޚިލާފަށް ހޯދި ހެކީގެ މައްޗަށް ބުރަވެ ބަންދުގެ މުއްދަތު އިތުރުކުރި ކަމަށާއި، ޤާނޫނުލްއުޤޫބާތަށް ގެނައި އިސްލާހުގެ ދަށުން ސަސްޕެންޑްވެފައިވާ ޤާނޫނެއްގެ ދަށުން ތުހުމަތުކޮށްފައިވާތީ 2010/SC-A/19 އާ ޚިލާފު ކަމަށެވެ.

އެއްޖިންސުން ޖިންސީ ގުޅުން ހިންގުމުގެ ތުހުމަތުގައި މުޖުތަމަޢުގެ ސަލާމަތަށްޓަކައި ބަންދުގެ މުއްދަތު އިތުރުކުރި ކްރިމިނަލް ކޯޓުގެ އަމުރަށް ބަދަލު ގެންނަންޖެހޭތޯ.

އިސްތިއުނާފު ބާޠިލް، ކްރިމިނަލް ކޯޓުގެ ބަންދުގެ އަމުރު ޤާއިމް

ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމާއި 24 ގަޑިއިރުގެ ތެރޭގައި ފަނޑިޔާރެއްގެ ކުރިމައްޗަށް ޙާޟިރުކުރެވިފައިވާކަމާއި، ތުހުމަތުކުރެވުނު ކުށަކީ ކުށެއްކަމާއި، ކުށުގެ ޠަބީޢަތާއި ނުރައްކާތެރިކަމާއި ހެކި ޤަރީނާއަށް ބަލާއިރު މުޖުތަމަޢުގެ ސަލާމަތަށް ނުރައްކަލެއް އޮތުމުން ބަންދުގެ އަމުރު ޤާނޫނާ ޚިލާފު ނުވެއެވެ.