2017/HC-A/101

ކްރިމިނަލް ކޯޓުން، މުޖުތަމަޢުގެ ހަމަޖެހުމާއި ސަލާމަތާއި ރައްކާތެރިކަމަށްޓަކައި، 15 ދުވަހަށް ގޭގައި ބަންދުކޮށްފައި ބެހެއްޓުމަށް އަމުރުކުރިއެވެ.

އިތުރު ބަޔަކާ ގުޅިގެން ދިވެހިރާއްޖެއަށް މަސްތުވާތަކެތި އެތެރެކޮށް އެތަކެތީގެ ވިޔަފާރިކުރާކަމުގެ ތުހުމަތުގައިވާ ފަރާތެއް ބަންދުގައި ބަހައްޓަން ފުލުހުން އެދުނެވެ. ތުހުމަތުކުރެވޭ އެހެން ފަރާތެއް ދިރިއުޅޭ ތަނުން ފެނުނު މެޝިނަކުން އޭނާގެ ފިންގަރޕްރިންޓް ފެނިފައިވާކަމާއި، ތުހުމަތުކުރެވޭ ފަރާތްތަކަށް އޭނާގެ ނަމުގައި ފައިސާ ފޮނުވާފައިވާކަމުގެ މަޢުލޫމާތު ލިބިފައިވެއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާގެ (ހ) ގެ އުޞޫލަށް ރިޢާޔަތްނުކޮށް، އަދި ޤާނޫނުއަސާސީގެ 143 ވަނަ މާއްދާގެ (ރ) އާ ޚިލާފަށް ނެރުނު އަމުރެއް ކަމަށެވެ.

ދިވެހިރާއްޖެއަށް މަސްތުވާތަކެތި އެތެރެކޮށް ވިޔަފާރިކުރުމުގެ ތުހުމަތުގައިވާ ފަރާތެއް ގޭބަންދުގައި ބެހެއްޓުމަށް ކްރިމިނަލް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާގެ (ހ) ގައިވާ އުޞޫލުތަކާ އެއްގޮތަށް ނެރުނު އަމުރެއްތޯ؛ އަދި އެފަރާތް ބަންދުގައި ބަހައްޓަންޖެހޭތޯ.

ދަށުކޯޓުގެ އަމުރު ބާޠިލު؛ 15 ދުވަހަށް މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުގައި ބެހެއްޓުމަށް އަމުރުކުރި

ތުހުމަތު އުފެދޭ މިންވަރުގެ ހެކި ޤަރީނާ ހުށަހަޅާފައިވާއިރު، މަސްތުވާތަކެތީގެ ޓްރެފިކްކުރުމަކީ އެންމެ ބޮޑެތި ޖިނާޔަތްތަކުގެ ތެރޭގައި ހިމެނޭ ކުށަކަށްވާތީ، ތުހުމަތުކުރެވޭ ފަރާތް ދޫވެފައި ނުވަތަ ގޭބަންދުގައި ހުރުމަކީ މުޖުތަމަޢުގެ ސަލާމަތަށް ނުރައްކަލެއް ކަމަށް ބެލެވެއެވެ.