ޢަބްދުލްކަރީމް ޢަބްދުﷲ ވ. ވީއޭ ޕވޓ ލޓޑ

ސިވިލް ކޯޓުން ނިންމީ 2008 ގެ އެއްބަސްވުމުގެ 5 ވަނަ މާއްދާއަކީ 2009 ގެ އެއްބަސްވުމާ ތަޢާރުޟުވާ މާއްދާއެއް ކަމަށާއި އެއްބަސްވުން ބާޠިލުކުރާނެ ތަނެއް ނެތްކަމަށެވެ.

އިސްތިއުނާފުކުރި ފަރާތާއި ވީ.އޭ ޕްރައިވެޓް ލިމިޓެޑާ ދެމެދު 2008 ގައި ފިހާރަބައި ކުއްޔަށް ދިނުމުގެ އެއްބަސްވުމެއް ހަދައި، 2009 ގައި 6 މާއްދާގެ ޒިޔާދަ އެއްބަސްވުމެއް ހެދިއެވެ. ކުލި ވަގުތަށް ނުދައްކާތީ އެއްބަސްވުން ބާޠިލުކޮށް ތަން ހުސްކޮށްދިނުމަށް އެދި ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ކުލީގެ މާއްދާއަކީ ޖައުހަރީ މާއްދާއެއްކަމަށާއި، ސިވިލް ކޯޓުން އެއްބަސްވުން މާނަކުރީ އޭގެ ރޫޙާއި މަޤްޞަދާ ޚިލާފަށް ކަމަށެވެ.

ކުލި ދައްކާ މުއްދަތު ބަޔާންކޮށްފައިވާ މައި ކުލީގެ އެއްބަސްވުމުގެ މާއްދާއާ ތަޢާރުޟުވާ ގޮތަށް ފަހުން ހެދި ޒިޔާދަ އެއްބަސްވުމެއް ހުރިއިރު، ކުލި ވަގުތަށް ނުދެއްކުމުގެ ސަބަބުން މައި އެއްބަސްވުމުގެ 5 ވަނަ މާއްދާއަށް ބިނާކޮށް އެއްބަސްވުން ބާޠިލުކުރެވޭނެތޯ، އަދި ސިވިލް ކޯޓުން އެއްބަސްވުން މާނަކުރި ގޮތް ޞައްޙަތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ތަޢާރުޟުވާނަމަ ފަހުގެ އެއްބަސްވުމަށް ޢަމަލުކުރަން ދެފަރާތުން އެއްބަސްވެފައިވާތީއާއި، ފަހުގެ އެއްބަސްވުމުގައި ކުލި ދައްކާ މުއްދަތެއް ނެތުމުން، 01 މެއި 2008 ގެ ކުލީގެ އެއްބަސްވުމުގެ 5 ވަނަ މާއްދާއަށް ބިނާކޮށް އެއްބަސްވުން ބާޠިލު ނުކުރެވޭނެކަމަށް ކަނޑައެޅިއެވެ.