ޢަބްދުﷲ ރަޝީދު ވ. ޕްރޮސިކިއުޓަރ ޖެނެރަލް

ދ. މާއެނބޫދޫ މެޖިސްޓްރޭޓް ކޯޓުން ފުލުހުންގެ ދެ ހެކިބަހުން ދަޢުވާ ސާބިތުވާކަމަށް ކަނޑައަޅައި، ޤާނޫނު ނަންބަރު 17/2010 ގެ 2 (ރ) ގެ ދަށުން 6 މަސް ދުވަހަށް ޖަލަށްލުމަށް ޙުކުމްކޮށްފައިވެއެވެ.

2012 ވަނަ އަހަރު ސަރުކާރުގެ ވަޒީރަކު ރަށަށް ކުރި ދަތުރެއްގައި، ފާލަމުގެ ކައިރީގައި ހުރެ އޭނާއަށް މަރާލާނެ ކަމަށާއި އާއިލާއަށް ގެއްލުން ދޭނެ ކަމަށް ބުނެ ބިރުދެއްކި ކަމަށް ދައުލަތުން ދަޢުވާކުރި މައްސަލައެކެވެ. ކުރިން ކޮށްފައިވާ ޙުކުމް (06/M7C/2015) ހައިކޯޓުގެ 2016/HC-A/169 އިން ބާޠިލުކޮށް އަލުން ބަލަން ފޮނުވިއެވެ.

އިސްތިއުނާފުކުރި ފަރާތުން ބުނީ ޤާނޫނުއަސާސީގެ 51 (އ) ގެ މިންގަނޑަށް ކުށް ސާބިތުނުވާ ކަމަށާއި، ހެކިން ނުބުނާ ވާހަކަ ހިމަނައިގެން ތައްޔާރުކުރި ބަޔާންތަކަށް ބިނާކުރި ކަމަށާއި، ފަރާތް ދެނެގަތުމުގައި ޝައްކު އޮތް ކަމަށާއި، ވަކީލަކާއެކު ދިފާޢުކުރުމާއި ހެކިންނާ ސުވާލުކުރުމުގެ ފުރުޞަތު ނުދިން ކަމަށާއި، ލުއި އަދަބު ހުރި ޤާނޫނުލްޢުޤޫބާތުގެ ދަށުން ދަޢުވާ ނުކުރި ކަމަށެވެ. ޕީޖީން ޤަބޫލުކުރީ ޙުކުމް ކޮށްފައިވަނީ ޤާނޫނުއަސާސީގެ 51 ވަނަ މާއްދާގެ ޙައްޤުތަކާއި ޖިނާއީ އިޖުރާއަތުގެ ޤާނޫނާ ޚިލާފަށް ކަމަށެވެ.

ހައިކޯޓުން ކުރިން ބާޠިލުކޮށް އަލުން ބަލަން ފޮނުވި ބިރުދެއްކުމުގެ މައްސަލައެއްގައި، ބާޠިލުކުރެވުނު މައްސަލައިގައި ނެގި ބަޔާންތަކާއި ހެކިބަހުގެ މައްޗަށް ބިނާކޮށް ދަށުކޯޓުން ކުށްވެރިކޮށް ޙުކުމްކުރުން ޤާނޫނާއި އިޖްރާއާތާ އެއްގޮތްތޯ.

ދަށުކޯޓުގެ ޙުކުމް ބާޠިލު (ކުށްވެރިކުރުމާއި 6 މަހުގެ ޖަލު ޙުކުމް)

ބާޠިލުކުރެވި ތަޙްވީލުކުރެވުނު މައްސަލައެއްގައި ކުރީގެ ނިންމުންތައް ބާޠިލުވާތީ، ބާޠިލުކުރެވުނު މައްސަލައިގެ ބަޔާންތަކާއި ހެކިބަހަށް ބިނާކޮށް ޙުކުމްކުރުމަކީ ރަނގަޅު ޢަމަލެއް ނޫނެވެ. އަދި ޕީޖީވެސް އިޢުތިރާފުވި ފަދައިން ޙުކުމް ކޮށްފައިވަނީ ޢަމަލުކުރަންޖެހޭ އިޖުރާއާތާ ޚިލާފަށް ކަމަށްވާތީ ބާޠިލުކުރެވުނެވެ.