2016/HC-A/169

ދަޢުވާ ކޮށްފައިވަނީ ހަމައެކަނި އެކަކުގެ މައްޗަށް ކަމަށާއި، ދިފާޢީ ހެކިންގެ ހެކިބަހުން ދައުލަތުގެ ހެކިބަސް ނަފީވާކަމަށް ބުނެ ދަޢުވާ ސާބިތުނުވާކަމަށް މެޖިސްޓްރޭޓް ކޯޓުން ޙުކުމްކުރިއެވެ.

ވަޒީރަކު ރަށަކަށް ކުރި ދަތުރެއްގައި ފާލަމުން ފޭބި ވަގުތު، އެ ވަޒީރަށް ނިސްބަތްކޮށް މަރާލާނެކަމަށާއި އާއިލާއަށް ގެއްލުން ދޭނެކަމަށް ބުނެ އިންޒާރުދިން ކަމަށް ބުނެ، ބިރުދެއްކުމުގެ ކުށުގެ ދަޢުވާ ތުހުމަތުކުރެވޭ ފަރާތުގެ މައްޗަށް ޕްރޮސިކިއުޓަރ ޖެނެރަލުން ކުރިއެވެ. ފުލުހުން ދަޢުވާކުރުމަށް ފޮނުވީ ދެމީހެއްގެ މައްޗަށެވެ.

ޕްރޮސިކިއުޓަރ ޖެނެރަލުން ބުނީ ޝަރީޢަތް ހިންގުމާބެހޭ ޤަވާޢިދުގެ އިޖުރާއާތާ ޚިލާފަށް، ހެކިބަސް ނަފީކުރެވޭވަރަށް ހެކި ނެތި ހެކިބަސް ނަފީވި ކަމަށް ބުނެ، އަދި ދެމީހުންގެ މައްޗަށް ހަމަހަމަ ވާންޖެހޭނެ ކަމަށް ބުނެ މައްސަލަ ނިންމާފައިވާ ކަމަށެވެ.

ބިރުދެއްކުމުގެ ކުށުގެ ދަޢުވާގައި، ތަޙްޤީޤު އިދާރާއިން ދެމީހެއްގެ މައްޗަށް ދަޢުވާކުރުމަށް ފޮނުވިއިރު ޕްރޮސިކިއުޓަރ ޖެނެރަލުން ދަޢުވާކުރީ އެކަކުގެ މައްޗަށް ކަމަށްވުމާއި ހެކިބަހުގެ ވަޒަނަށް ބަލައި ދަޢުވާ ސާބިތުނުވާކަމަށް މެޖިސްޓްރޭޓް ކޯޓުން ކުރި ޙުކުމަކީ ހެކި ޤަރީނާއަށް ރިޢާޔަތްކުރަންޖެހޭ މިންގަނޑުން ކުރެވުނު ޙުކުމެއްތޯ.

ދަށުކޯޓުގެ ޙުކުމް ބާޠިލު، އަލުން ބެލުމަށް މެޖިސްޓްރޭޓް ކޯޓަށް ފޮނުވި

ދަޢުވާ ސާބިތުނުވާ ކަމަށް ނިންމާފައިވަނީ ދައުލަތުން ހަމަހަމަކަން ޤާއިމުނުކުރި ކަމަށް ބަލައިކަމަށާއި، ދަޢުވާ ކުރުމުގެ ވަޒަން ކުރުމުގެ ބާރަކީ ޕްރޮސިކިއުޓަރ ޖެނެރަލްގެ ބާރެއް ކަމަށާއި، އެހެން މީހެއްގެ މައްޗަށް ދަޢުވާ ނުކުރުމަކީ ދަޢުވާ ސާބިތު ނުވާކަމަށް ކަނޑައަޅާނެ ޙުއްޖަތެއް ނޫންކަމަށް ބަލައި، ހެކި ޤަރީނާއަށް ރިޢާޔަތްކުރަންޖެހޭ މިންގަނޑުން ބަލާފައި ނުވާތީ ޙުކުމް ބާޠިލުކުރިއެވެ.