ޢާޞިމް ޢަބްދުއްސައްތާރު ވ. އިލެކްޝަންސް ކޮމިޝަން

ސިވިލް ކޯޓުން ނިންމީ، އެއްބަސްވުމުގެ 5، 11 އަދި 12 ވަނަ ނަންބަރަށް ރިޢާޔަތްކޮށް 65.66% މާކްސް ލިބުމުން ވަކިކުރުމަކީ ޤާނޫނުއަސާސީއާއި ވަޒީފާއާބެހޭ ޤާނޫނާއި ކޮމިޝަނުގެ ޤަވާޢިދާ ޚިލާފު ނިންމުމެއްކަން ޘާބިތުނުވާތީ ބާކީ މުއްދަތުގެ މުސާރަ ދޭން އަންގާނެ ތަނެއް ނެތް ކަމަށެވެ.

އިސްތިއުނާފުކުރި ފަރާތް 11 އެޕްރީލް 2012 އިން ފެށިގެން 5 އަހަރުގެ އެއްބަސްވުމެއްގެ ދަށުން އިލެކްޝަންސް ކޮމިޝަނުގެ ސެކްރެޓަރީ ޖެނެރަލްގެ މަޤާމުގައި ހުއްޓައި، މަސައްކަތުގެ ފެންވަރު ބެލުމުން 75% މާކްސް ނުލިބުނުކަމަށް ބުނެ 04 އޯގަސްޓް 2014 ގައި ވަކިކުރިއެވެ.

އިސްތިއުނާފުކުރި ފަރާތުން ބުނީ ކޮމިޝަނުގެ ޤަވާޢިދާއި އެއްބަސްވުމުގެ މާއްދާތަކަށް ރިޢާޔަތްނުކުރި ކަމަށާއި، އެޕްރައިޒަލް ފޯމު ފުރީ މެއި 2011 ގެ މިންގަނޑާ ޚިލާފަށް ކަމަށާއި، 2011/HC-A/134 އަދި 2011/HC-A/89 ގައިވާ މައުޟޫޢީ އަދި އިޖުރާއީ ޢަދުލުވެރިކަމުގެ މަބްދައުތަކަށް ރިޢާޔަތްނުކުރި ކަމަށެވެ.

މަސައްކަތުގެ ފެންވަރު ބެލުމުން 75% މާކްސް ނުލިބުނުކަމަށް ބުނެ އިލެކްޝަންސް ކޮމިޝަނުގެ ސެކްރެޓަރީ ޖެނެރަލް ކަނޑައެޅިފައިވާ މުއްދަތުގެ ވަޒީފާއިން ވަކިކުރީ ވަޒީފާގެ އެއްބަސްވުމާއި ކޮމިޝަނުގެ ޤަވާޢިދާ އެއްގޮތަށްތޯ، އަދި އެއްބަސްވުމުގެ ބާކީ މުއްދަތުގެ މުސާރައާއި ޢިނާޔަތް ލިބެންޖެހޭތޯ.

ދަށުކޯޓުގެ ޙުކުމް ބާޠިލު، ބާކީ މުއްދަތުގެ މުސާރައާއި ޢިނާޔަތް ދިނުމަށް ޙުކުމްކުރި

ފުރަތަމަ އަހަރު ފެންވަރު ބަލާފައިނުވާކަމާއި، ފޯމުތަކުގައި ޓާގެޓް ކަނޑައަޅާފައި ނެތުމާއި، ފޯމުތައް ފުރިހަމަނުކޮށް، މުވައްޒަފު ސޮއިނުކޮށް، ނަތީޖާގެ ކޮޕީ ނުދިނުމުން ފެންވަރު ބަލާފައިވަނީ އެއްބަސްވުމުގެ 11 ވަނަ މާއްދާއާއި ޤަވާޢިދާ ޚިލާފަށް ކަމުން ވަކިކުރުން ޞައްޙަނޫން ކަމަށް ކޯޓުން ނިންމިއެވެ.