2 އެޗްއެމް ކޮމްޕެނީ ޕވޓ ލޓޑ ވ. ޢަލީ ނިހާސް

ވަޒީފާއާބެހޭ ޓްރައިބިއުނަލުން މައުޟޫޢީ އަދި އިޖުރާއީ ޢަދުލުވެރިކަން ޤާއިމުނުވާތީ ވަކިކުރުމަކީ އަންފެއަރ ޑިސްމިސަލް ކަމަށް ކަނޑައަޅައި، ވަޒީފާއަށް ރުޖޫޢުކޮށް، ވަކިކުރިފަހުން މުސާރަ (6,000 ރުފިޔާ އުނިކޮށް) އާއި ޗުއްޓީގެ 12,000 ރުފިޔާ ދިނުމަށް އަމުރުކުރިއެވެ.

ފޯނު މަރާމާތުކުރާ ފިހާރައެއްގެ ޓެކްނީޝަނަކު، އެއްބަސްވުމާ ޚިލާފަށް ތަކުރާރުކޮށް ވަޒީފާއަށް ހާޒިރުނުވުމާއި ގަޑިޖެހުމުން، ނޯޓިހެއް ނުދީ އަދި ޖަވާބުދާރީވުމުގެ ފުރުޞަތު ނުދީ ވަޒީފާއިން ވަކިކުރިއެވެ. ވަކިކުރުމަށްފަހު 3 މަހަށް މުސާރައިގެ ½ ދޭން އެއްބަސްވެ، އެއް މަހުގެ 6,000 ރުފިޔާ ދިނެވެ.

ކުންފުނިން ބުނީ ޤާނޫނު ނަންބަރު 2/2008 (ވަޒީފާއާބެހޭ ޤާނޫނު) ގެ 23 ވަނަ މާއްދާއާއި އެއްބަސްވުމުގެ ދަށުން ނޯޓިހެއްނެތި ވަކިކުރުން ޞައްޙަ ކަމަށާއި، ވަޒީފާއަށް ރުޖޫޢުކުރުމަކީ އެކަށީގެންވާ ކަމެއް ނޫން ކަމަށާއި، ޓްރައިބިއުނަލުން ހެކި ވަޒަންކުރީ ޤާނޫނާ ޚިލާފަށް ކަމަށެވެ.

ވަޒީފާގެ އެއްބަސްވުމާ ޚިލާފަށް ތަކުރާރުކޮށް ވަޒީފާއަށް ހާޒިރުނުވާ މުވައްޒަފަކު ނޯޓިހަކާ ނުލައި ވަކިކުރުމުގައި މައުޟޫޢީ އަދި އިޖުރާއީ ޢަދުލުވެރިކަން ޤާއިމުވޭތޯއާއި، އިޖުރާއީ ޢަދުލުވެރިކަން ނެތް ޙާލަތުގައި ދެވޭނެ ފަރުވާ ކޮބައިތޯއާއި، އަހަރީ ޗުއްޓީ ބޭނުންކުރިކަން ސާބިތުކުރުމުގެ ބުރަ އޮތީ ކާކުގެ މައްޗަށްތޯ.

ޓްރައިބިއުނަލްގެ ނިންމުން ބާޠިލުކޮށް، ވަޒީފާއަށް ރުޖޫޢުނުކޮށް 24,000 ރުފިޔާ ބަދަލު ދިނުމަށް ޙުކުމްކުރި

ހައިކޯޓުން ދެކެވުނީ ތަކުރާރުކޮށް ހާޒިރުނުވުމަކީ ނޯޓިހެއްނެތި ވަކިކުރެވޭ ޢަދުލުވެރި ސަބަބެއް ކަމަށާއި މައުޟޫޢީ ޢަދުލުވެރިކަން ޤާއިމުވެފައިވާ ކަމަށެވެ. ނަމަވެސް ޖަވާބުދާރީވުމުގެ ފުރުޞަތު ނުދީފައިވާތީ އިޖުރާއީ ޢަދުލުވެރިކަން ނެތުމުން ރުޖޫޢު ނުކޮށް ބަދަލު ދޭން ޖެހޭ ކަމަށެވެ.