އެމްޕެރަރ ޑައިވަރސް މޯލްޑިވްސް ޕވޓ ލޓޑ ވ. ޢަބްދުﷲ މަސީޙް

ވަޒީފާއާބެހޭ ޓްރައިބިއުނަލުން ކަނޑައެޅީ ވަކިކުރުމުގެ ކުރިން އިޞްލާޙީ ފިޔަވަޅެއް ނާޅާތީ މައުޟޫޢީ ޢަދުލުވެރިކަން ގާއިމުނުވާ ކަމަށާއި، ބަދަލުގެ ގޮތުގައި USD 2,000 އާއި ބޭނުންނުކުރާ އަހަރީ ޗުއްޓީގެ ބަދަލު USD 972 ދިނުމަށެވެ.

ޑައިވް މާސްޓަރެއްގެ މަޤާމުގައި ހުރި މުވައްޒަފަކު، ކުންފުނީގެ ބިދޭސީ އަންހެން މުވައްޒަފެއްގެ ނިދާ ކޮޓަރިއަށް ހުއްދަ ނެތި ވަދެ ޖިންސީ ފުރައްސާރަކުރި ކަމަށް ޝަކުވާކުރުމުން، އިންޓަރނަލް ތަޙްޤީޤަކަށްފަހު 'gross misconduct' ގެ ސަބަބުން ނޯޓިސް ނުދީ ވަޒީފާއިން ވަކިކުރިއެވެ.

ކުންފުނިން ބުނީ ދިފާޢުގައި ހުށަހެޅި ހެކިތަކަށް ބުރަދަނެއް ނުދީ މައުޟޫޢީ ޢަދުލުވެރިކަން ނެތް ކަމަށް ނިންމި ކަމަށާއި، ބަދަލު ނަގައިދިނުމަކީ ޤާނޫނާ ޚިލާފު ކަމަށެވެ.

އެހެން މުވައްޒަފެއްގެ ނިދާ ކޮޓަރިއަށް ހުއްދަ ނެތި ވަދެ ޖިންސީ ފުރައްސާރަކުރި ކަމުގެ ތުހުމަތާ ގުޅިގެން ނޯޓިސް ނުދީ ވަޒީފާއިން ވަކިކުރުމުގައި މައުޟޫޢީ އަދި އިޖުރާއީ ޢަދުލުވެރިކަން ގާއިމުވިތޯ، އަދި ޓްރައިބިއުނަލުން ނަގައިދިން މާލީ ބަދަލު ޤާނޫނާ އެއްގޮތްތޯ.

ބައެއް ބަދަލުކުރި

ހުއްދަނެތި ކޮޓަރިއަށް ވަނުމަކީ ޣައިރުސުލޫކީ ޢަމަލެއްކަން balance of probabilities ގެ މިންގަނޑުން ސާބިތުވާތީ މައުޟޫޢީ ޢަދުލުވެރިކަމާއި، ތަޙްޤީޤު ކުރި ގޮތުން އިޖުރާއީ ޢަދުލުވެރިކަން ގާއިމުވާތީ USD 2,000 ގެ ބަދަލު ބާޠިލުކޮށް، އަހަރީ ޗުއްޓީގެ ބަދަލު USD 972 ޤާއިމުކުރިއެވެ.