ޒުލައިޚާ ނީނާ ވ. މިނިސްޓްރީ އޮފް ފިނޭންސް

ސިވިލް ކޯޓުން ކަނޑައެޅީ ފޯމު ހުށަހަޅާފައިވަނީ ސަރކިއުލަރގައިވާ 1350 އެޕްލިކޭޝަން ހަމަވުމަށްފަހުކަން ސާބިތުވާތީ، އެދިފައިވާ ގޮތަށް އަމުރުކުރާނެ ތަނެއް ނެތްކަމަށެވެ.

ސަރުކާރުގެ ވަޒީފާއިން ވީއްލުމުގެ ޕްރޮގްރާމުގައި ބައިވެރިވުމަށް ސަރުކާރުގެ މުވައްޒަފަކު ހުށަހެޅި ފޯމު މިނިސްޓްރީން ބަލައިގަތް ނަމަވެސް، ގަނޑުކޮށް ލިބޭ 150,000 ރުފިޔާއާއެކު ވަޒީފާއިން ނުވީއްލާތީ، އެގޮތަށް ވީއްލުމަށް އަމުރުކޮށްދިނުމަށް ދައުލަތުގެ މައްޗަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ދައުލަތުގެ ހެކީގެ އިދިކޮޅު ސާބިތުކުރުމަށް އެދުނު ހެކިން ޙާޟިރުނުކޮށް އަދި ދައުލަތުގެ ބަޔާނުގައިވާ ދެމީހުންނާ ސުވާލުކުރުމުގެ ފުރުޞަތު ނުދީ މައްސަލަ ނިންމުމަކީ 2010/SC-A/02 ގެ އުޞޫލާ ޚިލާފު ކަމަށެވެ.

"ސަރުކާރުގެ މަސްއޫލިއްޔަތުތަކާއި މަސައްކަތްތަކުން ވީއްލުމުގެ ޕްރޮގްރާމް" ގައި ބައިވެރިވުމަށް ހުށަހެޅި ފޯމު ބަލައިގަތުމުން، ކަނޑައެޅިފައިވާ 1350 އެޕްލިކޭޝަން ހަމަވުމަށްފަހު ހުށަހެޅި ފަރާތެއް އެ ޕްރޮގްރާމުގައި ބައިވެރިކުރުން މިނިސްޓްރީއަށް ލާޒިމުވޭތޯ، އަދި އެދުނު ހެކިން ޙާޟިރުނުކޮށް ދަށުކޯޓުން މައްސަލަ ނިންމުމަކީ ޙުކުމް ބާޠިލުކުރެވޭނެ އަސާސެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފައިސާ ދޫކުރެވޭނީ 1350 އެޕްލިކޭޝަނަށް ކަމާއި ފޯމު ހުށަހެޅީ އެ އަދަދު ހަމަވުމަށްފަހު ކަމުން ބައިވެރިކުރުން ލާޒިމެއް ނުވެއެވެ. މިނިސްޓްރީގެ ސިޓީއާއެކު ފޮނުވި ލިސްޓުން ކަން ސާފުވާތީ، ހެކިން ޙާޟިރުނުކުރުމަކީ ޙުކުމް ބާޠިލުކުރެވޭނެ އަސާސެއް ނޫނެވެ. ޕްރޮގްރާމް ނިމި، ދަޢުވާކުރި ފަރާތްވެސް ވަޒީފާއިން ވަކިވެފައިވެއެވެ.