ޒުހާ ޢަބްދުﷲ ވ. ޕްރޮސިކިއުޓަރ ޖެނެރަލް

ދެ ކޯޓުން ބަލައި ފާސްކުރުމުގެ އަމުރު ނެރުނެވެ.

ޓެރަރިޒަމްގެ ތުހުމަތެއްގައި ފުލުހުން އެދުމުން ކްރިމިނަލް ކޯޓާއި މަރަދޫފޭދޫ މެޖިސްޓްރޭޓް ކޯޓުން ގެއެއް ބަލައި ފާސްކުރުމުގެ އަމުރު ނެރުނެވެ؛ ދެ އަމުރުގައިވެސް ތަނުގެ ވެރިފަރާތަކަށް ބަޔާންކޮށްފައިވަނީ އެގޭގައި ދިރިއުޅޭ އިސްތިއުނާފުކުރި ފަރާތެވެ.

އިސްތިއުނާފުކުރި ފަރާތުން ބުނީ ޞައްޙަ ނޫން މަޢުލޫމާތު ހިމެނުމުން ނަމާއި އަބުރު ގެއްލުނުކަމަށާއި އަމުރު ބާޠިލުވާންޖެހޭކަމަށެވެ. ދައުލަތުން ބުނީ އެފަރާތަކީ 'ކަމާބެހޭ ފަރާތެއް' ނޫންކަމަށާއި ނޭޝަނަލް ރަޖިސްޓްރޭޝަނަށް ބަލައި ވެރިފަރާތަކަށް ބެލެވިދާނެކަމަށާއި އިޖުރާއީ އައިބަކުން އަމުރު ބާޠިލު ނުވާނެކަމަށެވެ.

ބަލައި ފާސްކުރުމުގެ އަމުރެއްގައި ތަނުގެ ވެރިފަރާތުގެ ގޮތުގައި ޞައްޙަ ނޫން ނަމެއް ހިމެނުމުން، ނަމާއި އަބުރު ރައްކާތެރިކުރުމުގެ ޙައްޤު ގެއްލުނުކަމަށް ބުނެ އެ ފަރާތުގެ އިސްތިއުނާފުން އަމުރު ބާޠިލުކުރެވޭތޯ.

އިސްތިއުނާފު ބާޠިލް، ދަށުކޯޓުތަކުގެ އަމުރު ޤާއިމް

އަމުރުތަކުގައި ތަން ސާފުކޮށް ބަޔާންވެފައިވާއިރު ތަނުގައި ދިރިއުޅޭ ފަރާތަކީވެސް ވެރިފަރާތުގެ މާނައިގައި ހިމެނިދާނެއެވެ؛ މަޢުލޫމާތު ޤަސްދުގައި ދޮގުކޮށް ހިމެނިކަން ފުރަތަމަ މަރުޙަލާގައި ސާބިތުނުކޮށް އިސްތިއުނާފުން އަމުރު ބާޠިލުކުރެވޭކަށް ނެތެވެ.