ޒަރީނާ ޢަލީ ވ. ނަޒާކީ ސަރވިސަސް ޕްރައިވެޓް ލިމިޓެޑް

ސިވިލް ކޯޓުން، ޒަރީނާ ޢަލީ ޝަރީޢަތުގައި އެއްބަސްވި ގޮތަށް، ކުންފުނީގެ ޚަރަދުގެ ގޮތުގައި 450,000 ރުފިޔާ މަހަކު މަދުވެގެން 5,000 ރުފިޔާގެ މަގުން ދައްކަން ޙުކުމްކޮށް، ކައުންޓަރ ކްލެއިމަކީ ދަޢުވާގައި ހިމެނޭ ކަމެއް ނޫންކަމަށް ބުނެ އޭގެ މައްޗަށް ގޮތެއް ނުނިންމައެވެ.

ޒަރީނާ ޢަލީއާއި ނަޒާކީ ސަރވިސަސް ޕްރައިވެޓް ލިމިޓެޑާ ދެމެދު 2007 ގައި ވެވުނު ޢިމާރާތް ހެދުމުގެ އެއްބަސްވުން ނިމުމަކަށް އައުމުން، 2008/HC-A/197 ގައި ހައިކޯޓުން ބަޔާންކުރި ގޮތުގެ މަތިން، ކުންފުނިން ކުރި ޚަރަދު 659,829.75 ރުފިޔާ ހޯދުމަށް ކުންފުނިން ސިވިލް ކޯޓަށް ދަޢުވާކުރިއެވެ. ޒަރީނާ ޢަލީ ތިމާއަށް ލިބުނު ގެއްލުމުގެ ބަދަލު ހޯދުމަށް ކައުންޓަރ ކްލެއިމެއް ހުށަހެޅިއެވެ.

ޒަރީނާ ޢަލީ ބުނީ 2008/HC-A/197 ގެ މަފްހޫމާ ޚިލާފަށް ސިވިލް ކޯޓުން މައްސަލަ ނިންމައި، ތިމާއަށް ލިބުނު ގެއްލުމުގެ ބަދަލު ހޯދުމަށް ހުށަހެޅި ކައުންޓަރ ކްލެއިމް ސަބަބެއް ނުބުނެ ނުބަލާކަމަށެވެ.

ޢިމާރާތް ހެދުމުގެ އެއްބަސްވުމެއް ނިމުމަށް އައުމާ ހަމައަށް ކުރި ޚަރަދު ހޯދުމަށް ހުށަހެޅި ފައިސާ ހޯދުމުގެ ދަޢުވާގައި، ދަޢުވާ ލިބުނު ފަރާތުން ހުށަހެޅި ކައުންޓަރ ކްލެއިމާމެދު ގޮތެއް ނުނިންމައި ސިވިލް ކޯޓުން ޙުކުމްކުރުމަކީ ޙުކުމަށް ބަދަލު ގެންނަންޖެހޭ ކަމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

2008/HC-A/197 ގައި ޚަރަދުގެ މައްސަލަ ދަށުކޯޓުން ބަލަންޖެހޭނެކަމަށް ބުނުމަކީ ޒަރީނާ ޢަލީއަށް ލިބުނު ގެއްލުމުގެ ބަދަލު ދެނެގަތުމަށް ހުރަހެއް ނޫނެވެ. ކައުންޓަރ ކްލެއިމާމެދު ގޮތެއް ނުނިންމުމުން ވަކި މައްސަލައެއްގެ ގޮތުގައި ބަދަލު ހޯދުމުގެ ޙައްޤު ގެއްލިގެން ނުދާތީ، ޙުކުމަށް ބަދަލު ގެންނަންޖެހޭ ސަބަބެއް ނެތެވެ.