ޢވމ ވ. ޕްރޮސިކިއުޓަރ ޖެނެރަލް

ޖުވެނައިލް ކޯޓުން ދަޢުވާ އެކަށީގެންވާ ޝައްކެއްނެތި ސާބިތުވާކަމަށް ކަނޑައަޅައި ކުށްވެރިކުރިއެވެ؛ އަދަބު ކަނޑައަޅާފައެއް ނުވެއެވެ.

ޑައިމޯފިން ހުރި ރަބަރު ޕެކެޓްތައް ހުރި ސިގިރޭޓު ފޮށްޓެއް ފުލުހުން ފެނިގެން މޫދަށް އެއްލާލި ކުޑަކުއްޖެއްގެ މައްޗަށް މަސްތުވާތަކެއްޗާބެހޭ ޤާނޫނުގެ ދަށުން ޑައިމޯފިން ޓްރެފިކްކުރުމުގެ ދަޢުވާ ކުރެވުނެވެ.

އިސްތިއުނާފުކުރި ފަރާތުން ޤާނޫނުއަސާސީއާއި ހެއްކާބެހޭ ޤާނޫނާ ޚިލާފަށް ނިންމިކަމަށް ބުނެ ތިން ނުކުތާ ހުށަހެޅިއެވެ. ދައުލަތުން އިޖުރާއީ އިޢުތިރާޟު ހުށަހަޅައި، އަދަބު ނުކަނޑައަޅާ ނިންމުމަކީ ޙުކުމެއް ނޫންކަމުން އިސްތިއުނާފު ނުކުރެވޭނެކަމަށް ބުނެ 2022/SC-A/42,43 އަށް ޙަވާލާދިނެވެ.

ކުށް ސާބިތުވާކަމަށް ކަނޑައަޅައި، އަދަބު ކަނޑައެޅުން އަދި ނުނިމި އޮތް ޖުވެނައިލް ކޯޓުގެ ނިންމުމަކީ ޖިނާއީ އިޖުރާއަތުގެ ޤާނޫނުގެ ދަށުން ހައިކޯޓަށް އިސްތިއުނާފުކުރެވޭ ބާވަތުގެ ނިންމުމެއްތޯ (ދައުލަތުގެ އިޖުރާއީ އިޢުތިރާޟް).

އިސްތިއުނާފުކުރެވޭ ބާވަތުގެ ނިންމުމެއް ނޫންކަމަށް ނިންމި (ދައުލަތުގެ އިޖުރާއީ އިޢުތިރާޟް ޤަބޫލުކުރި)

ޙުކުމްކުރުމުގެ މާނައިގައި އަދަބު ހިމެނޭކަމަށާއި، އަދަބު ކަނޑައަޅާފައިނުވާ މި ނިންމުމަކީ ޙުކުމެއް، އަމުރެއް ނުވަތަ ޝަރީޢަތުގެ ކުރީގެ ނިންމުމެއް ނޫންކަމުން އިސްތިއުނާފުކުރެވޭ ނިންމުމެއް ނޫންކަމަށް ނިންމިއެވެ.