ޝިފާޢު އަޙްމަދު ވ. މޯލްޑިވްސް ޕޮލިސް ސަރވިސް

ސިވިލް ކޯޓުން، ވަކިކޮށްފައިވަނީ ފުލުހުންގެ ޤާނޫނާއި ޤަވާޢިދުތަކާ އެއްގޮތަށް ކަމަށާއި ޚިލާފަށްކަން ސާބިތުނުވާ ކަމަށް ނިންމިއެވެ.

ފުލުހުންގެ ލާންސް ކޯޕްރަލް އަކު، ބަނގުރާގެ މައްސަލައެއްގައި ހައްޔަރުކޮށް ދޫކޮށްލި ދެ ބިދޭސީއެއްގެ ޕާސްޕޯޓު ހޯދައިދީ ޑީޕޯޓް ނުކޮށް މައްސަލަ ނިންމައިދޭނެ ކަމަށް ބުނެ ފައިސާ ނެގި ކަމަށް ތުހުމަތު ކުރެވި، ޑިސިޕްލިނަރީ ބޯޑުގެ ނިންމުމަށް ބިނާކޮށް މިނިސްޓަރު ވަޒީފާއިން ވަކިކުރިއެވެ. ކުރިން ހުށަހެޅި އިސްތިއުނާފު (2018/HC-A/185) ގެ ދަޢުވާ ފޯމު ހާޟިރުނުވުމުން ބާޠިލުކުރުމުން މިއީ ދެވަނަ ފަހަރަށް ހުށަހެޅި އިސްތިއުނާފެވެ.

އިސްތިއުނާފުކުރި ފަރާތުން ބުނީ މައުޟޫޢީ އަދި އިޖުރާއީ ޢަދުލުވެރިކަން ޤާއިމުނުކޮށް، ޤާނޫނުއަސާސީގެ ޙައްޤުތައް ހަނިކޮށް، ހެއްކެއް ނެތި ދޮގު ތުހުމަތެއްގެ މައްޗަށް، ބޯޑުން ރިޢާޔަތްކުރި ކަންކަން ނޭނގޭ ގޮތަށް ވަކިކުރި ކަމަށެވެ.

ރިޝްވަތު ހިފިކަމުގެ ތުހުމަތުގައި ޑިސިޕްލިނަރީ ބޯޑުގެ ނިންމުމަކަށް ބިނާކޮށް ފުލުހަކު ވަޒީފާއިން ވަކިކުރުމުގައި ޤާނޫނާއި ޤަވާޢިދުގެ އިޖުރާއަތާއި މައުޟޫޢީ އަދި އިޖުރާއީ ޢަދުލުވެރިކަން ޤާއިމުކުރެވިފައިވޭތޯ.

ވަކިކުރުމުގައި ޤަވާޢިދާއި ޢަދުލުވެރިކަމާ ޚިލާފު ކަމެއް ނުވާކަމަށް ތަޙުލީލުކޮށްފައި (ނިންމުމުގެ ބައި ލިޔުމުގައި ނެތް)

ބޯޑުގެ ކުރިމަތީގައި ފައިސާ ދިން މީހާގެ ބަޔާނާއި ވީޑިއޯއާއި ފޮރެންސިކް ރިޕޯޓު އޮތުމާއި، ޤަވާޢިދުގެ އިޖުރާއަތު ފުރިހަމަކުރުމާއި، ރިޝްވަތަކީ ވަކިކުރުމަށް އެކަށީގެންވާ ސަބަބަކަށް ވުމާއި، ޖަވާބުދާރީވުމުގެ ފުރުޞަތު ދީފައިވުމަށް ކޯޓުން ބަލާފައިވެއެވެ.