ސަޢުދު ޙުސައިން ވ. ގއ. ވިލިނގިލި ކައުންސިލް އިދާރާ

ވިލިނގިލީ މެޖިސްޓްރޭޓް ކޯޓުން ކައުންސިލުގެ ނިންމުމަކީ ޤާނޫނުއަސާސީގެ 17 (ހ) އާ ޚިލާފު ނިންމުމެއްކަމަށް ކަނޑައަޅައި ސަޢުދަށް ގޯތި ދިނުމުގެ ނިންމުމާއި ރަޖިސްޓްރީ ބާޠިލުކޮށް، ދެ ފަރާތަށްވެސް ބިން ތަނަވަސް ތަނަކުން ގޯތި ދިނުމަށް އަމުރުކޮށް، މިނިސްޓްރީގެ ހުއްދަ ބާޠިލުކޮށް، އެ ބިމަކީ ދިރިއުޅުމަށް ދުވަހަކުވެސް ނުދެވޭ ބިމެއްކަމަށް ކަނޑައެޅިއެވެ.

ގއ.ވިލިނގިލީގައި ފެން ޕްލާންޓަށް ދެ ފަރާތުގެ ބަންޑާރަ ގޯތި ނެގުމުން ދެ ފަރާތުންވެސް ބަދަލު ގޯއްޗަށް ހޮސްޕިޓަލް ކުރިމަތީ ވިޔަފާރި ބޭނުމަށް ކަނޑައަޅާފައިވާ ބިމުން އެދުނެވެ. ފުރަތަމަ އެދުނީ ޝީޒާ މޫސާ (17 މެއި 2015) ނަމަވެސް، ކައުންސިލުން 42 ވަނަ ޖަލްސާގައި ސަޢުދު ޙުސައިނަށް (25 މެއި 2015 ގައި އެދުނު) ގޯތި ދިނުމަށް ނިންމައި، ފަހުން މިނިސްޓްރީން ލޭންޑް ޔޫސް ޕްލޭން ބަދަލުކުރިއެވެ.

ސަޢުދު ޙުސައިން ބުނީ ބަސްބުނުމުގެ ފުރުޞަތު ނުދީ ނިންމިކަމަށާއި، ލާމަރުކަޒީ ޤާނޫނާއި ބިމާބެހޭ ޤާނޫނާއި ޤާނޫނުއަސާސީގެ 40 ވަނަ މާއްދާއާއި ސުޕްރީމް ކޯޓުގެ އަމުރަށް ބަލާއިރު މެޖިސްޓްރޭޓް ކޯޓަށް މައްސަލަ ނުބެލޭނެކަމަށެވެ. ޝީޒާ މޫސާ ބުނީ ފުރަތަމަ އެދުނު ފަރާތަށް އިސްކަން ދޭންވީ ނުވަތަ ގުރުއަތުން ނިންމަންވީ ކަމަށެވެ.

ސަރުކާރުގެ ބޭނުމަށް ގޯތި ނެގުނު ދެ ފަރާތުގެ ތެރެއިން ފުރަތަމަ އެދުނު ފަރާތަށް ނުދީ ފަހުން އެދުނު ފަރާތަށް ވިޔަފާރި ބޭނުމަށް ކަނޑައަޅާފައިވާ ބިމުން ބަދަލު ގޯތި ދިނުމަކީ ޤާނޫނާއި ޤާނޫނުއަސާސީގެ 17 ވަނަ މާއްދާގެ (ހ) އާ ޚިލާފު ތަފާތުކުރުމެއްތޯއާއި، ތަދައްޚުލްނުވި ފަރާތަށް ބަސްބުނުމުގެ ފުރުޞަތު ނުދީ މައްސަލަ ނިންމިތޯ، މެޖިސްޓްރޭޓް ކޯޓަށް މި މައްސަލަ ބެލުމުގެ އިޚްތިޞާޞް ލިބޭތޯ، އަދި ބިމަކީ ދުވަހަކުވެސް ދިރިއުޅުމަށް ނުދެވޭ ބިމެއްކަމަށް ކަނޑައެޅުމަކީ ރަނގަޅު ނިންމުމެއްތޯ.

ދަށުކޯޓުގެ ޙުކުމުގެ ބައެއް ބަދަލުކުރި (ބިމުން ދުވަހަކުވެސް ދިރިއުޅުމަށް ގޯތި ނުދިނުމުގެ އަމުރު)، ބާކީ ބައި ޤާއިމް (ނިންމި ގޮތުގެ ޢިބާރާތް ލިޔުމުން ކަނޑާލެވިފައި)

ތަދައްޚުލްވުމުގެ ފުރުޞަތު ދީފައިވާތީ ބަސްބުނުމުގެ ޙައްޤަށް އުނިކަން ނާދޭކަމާއި، ވިޔަފާރި ބިމުން ލޭންޑް ޔޫސް ޕްލޭން ބަދަލުނުކޮށް ވަކި ފަރުދަކަށް ގޯތި ދިނުމަކީ ޤާނޫނާ ޚިލާފު، 17 (ހ) އާ ޚިލާފު ތަފާތުކުރުމެއްކަމާއި، މެޖިސްޓްރޭޓް ކޯޓަށް އިޚްތިޞާޞް ލިބޭކަމަށް ކޯޓުން ދެކުނެވެ. ނަމަވެސް ބިމުގެ ބޭނުން ބަދަލުކުރުމުގެ ބާރު މުޠްލަޤަށް ހިފެހެއްޓޭ ޢިބާރާތް ބަދަލުކުރަންޖެހޭކަމަށް ދެކުނެވެ.