ޤާސިމް މޫސާ ވ. ސިވިލް ސަރވިސް ކޮމިޝަން

ވަކިކުރީ ވަޒީފާއާބެހޭ ޤާނޫނާ ޚިލާފަށްކަމަށް ކަނޑައެޅޭނެ ތަނެއް ނެތްކަމަށާއި ބަދަލެއް ނަގައިދޭނެ ހަމައެއް ނެތްކަމަށް ވަޒީފާއާބެހޭ ޓްރައިބިއުނަލުން އިއްތިފާޤުން ނިންމިއެވެ.

މޯލްޑިވްސް އިމިގްރޭޝަންގެ ސީނިއަރ އިމިގްރޭޝަން އޮފިސަރެއްގެ ބެލުމުގެ ދަށުގައި ހުރި 400,000 ރުފިޔާއަށްވުރެ ގިނަ ފައިސާ ވަގަށް ނެގުމުގައި އޭނާގެ ބައިވެރިވުން އޮތްކަމަށް އިދާރީ ތަޙްޤީޤަކުން ފެނުމުން، ސިވިލް ސަރވިސް ޤަވާއިދުގެ ވަގުތުން ފިޔަވަޅު އެޅޭނެ މާއްދާގެ ދަށުން އޭނާ ވަޒީފާއިން ވަކިކުރިއެވެ.

ކުށް ސާބިތުވަނީ ކޯޓުން ޙުކުމްކުރުމުން ކަމަށާއި، ވައްކަމުގައި ބައިވެރިވިކަމުގެ ހެއްކެއް ނުވަތަ ޤަރީނާއެއް ނެތްކަމަށާއި، ޖަވާބުދާރީވުމުގެ ފުރުޞަތު ނުދިންކަމަށާއި، ރިޕޯޓު ތައްޔާރުކުރި މުވައްޒަފުން ޓްރައިބިއުނަލަށް ހާޒިރުނުކުރިކަމަށް އިސްތިއުނާފުކުރި ފަރާތުން ބުނެއެވެ.

ވައްކަމެއްގައި ބައިވެރިވިކަމަށް އިދާރީ ތަޙްޤީޤަކުން ސާބިތުވުމުން، ޖަވާބުދާރީވުމުގެ ފުރުޞަތު ނުދީ އަދި ޝަރީޢަތުން ކުށް ސާބިތުވުމުގެ ކުރިން ސިވިލް ސަރވިސްގެ މުވައްޒަފަކު ވަޒީފާއިން ވަކިކުރުމަކީ ޤާނޫނާ އެއްގޮތަށް ކުރެވިފައިވާ ކަމެއްތޯ، އަދި ވަޒީފާއާބެހޭ ޓްރައިބިއުނަލުން ހެކި ވަޒަންކޮށްފައިވަނީ ރަނގަޅަށްތޯ.

އިސްތިއުނާފު ބާޠިލް، ވަޒީފާއާބެހޭ ޓްރައިބިއުނަލްގެ ނިންމުން ޤާއިމް

އިދާރީ ފިޔަވަޅުގައި ބަލާ މިންގަނޑަކީ ބޮޑަށް ބުރަވެވޭ ގޮތް ކަމަށާއި، ސީސީޓީވީ ފޫޓޭޖާއި ސްޓާފުގެ މަޢުލޫމާތަށް ބިނާކުރި ތަޙްޤީޤަކީ އެކަށީގެންވާ ތަޙްޤީޤެއް ކަމަށާއި، މިއީ ނޯޓިސް ނުދީ ވަކިކުރެވިދާނެ ޙާލަތެއް ކަމުން އިތުރު ފުރުޞަތެއް ދިނުން ލާޒިމް ނުވާތީ، މައުޟޫޢީ އަދި އިޖުރާއީ އަދުލުވެރިކަން ޤާއިމުކޮށްގެން ވަކިކޮށްފައިވާކަމަށް ކޯޓުން ނިންމިއެވެ.