ޕްރޮސިކިއުޓަރ ޖެނެރަލް ވ. ނަދީފް މުޙައްމަދު

އިބްތިދާއީ މަރުޙަލާގައި ވައްކަމަށް އިޢުތިރާފުވުމުން 211 (ހ) 1 ގެ ދަށުން ވައްކަމުގެ ކުށް ސާބިތުކޮށް، 1 ދަރަޖަ ލުއިކޮށް 3 މަހާއި 18 ދުވަހުގެ ޖަލު ޙުކުމެއް ކްރިމިނަލް ކޯޓުން ކޮށްފައި، ކުރިން ސާބިތުވި ކުށްތައް އަދަބަށް އަސަރުނުކުރާނެ ކަމަށް ނިންމިއެވެ.

ތުހުމަތުކުރެވޭ ފަރާތް މިސްކިތުގައި ނިދާފައިއޮތް މީހެއްގެ ފޯނު ނަގައިގެން ގޮސް، ފުލުހުން ފަހަތުން ދިއުމުން ފޯނު ވައްޓާލިއެވެ. ދައުލަތުން ދަޢުވާ އުފުލީ މުދަލަށް ހުއްދަނޫން ގޮތުގައި ބާރު ހިންގުމުގެ ކުށުގައެވެ.

ޕްރޮސިކިއުޓަރ ޖެނެރަލުން ބުނީ 2 އަހަރުގެ ތެރޭގައި މުދަލަށް ބާރު ހިންގުމުގެ ކުށް ސާބިތުވެފައިވާތީ 1104 (ށ) ގެ ދަށުން އަދަބު 1 ދަރަޖަ މަތިކުރަންޖެހޭ ކަމަށާއި، ޖިނާއީ އިޖުރާއަތުގެ ޤާނޫނުގެ 22 (ކ) ގެ މަޤްޞަދާ ޚިލާފު ކަމަށެވެ.

ޤާނޫނުލްޢުޤޫބާތުގެ 1104 ވަނަ މާއްދާގެ (ށ) ގެ ބޭނުމަށް "ވައްކަންކުރުން" އާއި "އެހެން މީހެއްގެ މުދަލަށް ހުއްދަނޫން ގޮތުގައި ތިމާގެ އަމިއްލަ ބާރު ހިންގުން" އަކީ އެއްބާވަތުގެ ކުށްތޯ؛ އަދި ދެވަނަ ފަހަރަށް އެއްބާވަތުގެ ކުށް ސާބިތުވުމުން އަދަބު 1 ދަރަޖަ މަތިކުރަންޖެހޭތޯ.

ބައެއް ބަދަލުކުރި (އަދަބު 1 ދަރަޖަ މަތިކުރަންޖެހޭ ކަމަށް ރައުޔުގައި)

ވައްކަމާއި މުދަލަށް ބާރު ހިންގުމަކީ ޤާނޫނު ނަންބަރު 9/2014 (ދިވެހިރާއްޖޭގެ ޤާނޫނުލްޢުޤޫބާތު) ގެ 211 ވަނަ މާއްދާގެ ވައްކަމުގެ ކުށުގެ ޢަމަލީ ޢުންޞުރުގެ ދެ ޞޫރަ ކަމުގައިވާތީ 1104 ގެ ބޭނުމަށް އެއްބާވަތުގެ ކުށް ކަމަށާއި، 2 އަހަރުގެ ތެރޭގައި ދެވަނަ ފަހަރަށް ސާބިތުވުމުން އަދަބު 1 ދަރަޖަ މަތިވާންޖެހޭ ކަމަށް ފެނުނެވެ.