2016/HC-A/364

ކްރިމިނަލް ކޯޓުން ހެކީގެ ހެކިބަހާއި ގުޅިފައިވާ ޤަރީނާތަކުން ކުށް ސާބިތުވާކަމަށް ކަނޑައަޅައި، ޤާނޫނުއަސާސީގެ 59 ވަނަ މާއްދާއަށް ރިޢާޔަތްކޮށް 06 މަސް ދުވަހަށް ޖަލަށްލުމަށް ޙުކުމްކުރިއެވެ.

މުޒާހަރާއެއްގެ ތެރޭގައި ފުލުހުން ބެރިކޭޑް ޖަހައި ބަންދުކޮށްފައިވާ ސަރަޙައްދަކަށް ބެރިކޭޑް ދުރަށް ޖައްސައި ގަދަކަމުން ވަނުމުން، ފުލުހުންގެ ޤާނޫނުގެ 72 ވަނަ މާއްދާއާ ޙަވާލާދީ ފުލުހުންގެ ޤާނޫނުގެ 75 ވަނަ މާއްދާގެ ދަށުން ފުލުހުންގެ ދައުރު އަދާކުރުމަށް ދަތިކުރުމުގެ ދަޢުވާ ކުރެވުނެވެ.

އިސްތިއުނާފުކުރި ފަރާތުން ބުނީ ކާފީ ހެކި ނެތި އެންމެ ހެކިވެރިއެއްގެ ބަހަށް ކުށް ސާބިތުކުރި ކަމަށާއި، ދިފާޢީ ހެކިން ހުށަހެޅުމަށް ފުރުޞަތު ނުދިން ކަމަށާއި، އަދަބު ކަނޑައެޅީ ޤާނޫނުލްއުޤޫބާތާއި ޤާނޫނުއަސާސީގެ 59 ވަނަ މާއްދާއާ ޚިލާފަށް ކަމަށެވެ.

ފުލުހުންގެ ދައުރު އަދާކުރުމަށް ދަތިކުރުމުގެ ކުށް ސާބިތުކުރުމަށް ހުށަހެޅި ހެކި ކާފީތޯއާއި، ދިފާޢީ ހެކިން ބަލައިނުގަތުން ޞައްޙަތޯއާއި، ޤާނޫނުލްއުޤޫބާތު ތަންފީޒުވުމަށްފަހު ކަނޑައެޅި އަދަބު ޤާނޫނުއަސާސީގެ 59 ވަނަ މާއްދާއާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ހެކިވެރިއެއްގެ ބަހަށް ބާރުދޭ ގޮތަށް އިތުރު ދެ ފަރާތަކުން ހެކިބަސް ދީފައިވާތީ ހެކި ކާފީކަމާއި، ދިފާޢީ ހެކިން ހުށަހެޅީ ކުށް ނުކުރާކަން ސާބިތުކުރުމަށް ކަމުން ބަލައިނުގަތުމަށް ނިންމި ސަބަބު ޞައްޙަކަމާއި، ކުރިން ކުށް ސާބިތުވެފައިވާތީ ޤާނޫނުލްއުޤޫބާތުގެ ދަށުން ވެސް ލިބޭނީ ހަމަ އެ 06 މަހުގެ އަދަބުކަމެވެ.