ޕްރޮސިކިއުޓަރ ޖެނެރަލް ވ. މުޙައްމަދު ޙަމްދާން ޢަބްދުﷲ

ކްރިމިނަލް ކޯޓުން ސައިކޮލޮޖިސްޓްގެ ހެކިބަހަށް ބަލައި ތުހުމަތުކުރެވޭ ފަރާތަކީ ޤާނޫނުލްޢުޤޫބާތުގެ 62 ވަނަ މާއްދާގެ ދިފާޢު ލިބިގެންވާ ފަރާތެއް ކަމަށް ކަނޑައަޅައި، ޖިނާއީ އިޖުރާއަތުގެ ޤާނޫނުގެ 121 ވަނަ މާއްދާއާއި ގަވާއިދުގެ 118 (ނ) ގެ ދަށުން ދަޢުވާ ބެލޭނެ ތަނެއް ނެތްކަމަށް ނިންމިއެވެ.

ފްލައިޓަކުން ރާއްޖެއަށް އައި ތުހުމަތުކުރެވޭ ފަރާތުގެ ލަގެޖުގައި ހުރި ފޮށިގަނޑުން ކެނަބިސް ފެނުމުން ޖަދުވަލު 1 ގައިވާ މަސްތުވާއެއްޗެއް ރާއްޖެއަށް އެތެރެކުރުމުގެ ދަޢުވާ ކުރެވުނެވެ.

ޕްރޮސިކިއުޓަރ ޖެނެރަލް ބުނީ ޤާނޫނު ނަންބަރު 9/2014 (ދިވެހިރާއްޖޭގެ ޤާނޫނުލްޢުޤޫބާތު) ގެ 62 ވަނަ މާއްދާގެ (ހ)(1) އަދި (ށ) އަށް ރިޢާޔަތްނުކޮށް ނިންމި ކަމަށެވެ. ދިފާޢުން ބުނީ ރިޕޯޓުގައި ބޮޑެތި ކޮގްނިޓިވް އިމްޕެއަރމަންޓެއް ފާހަގަކޮށްފައިވާ ކަމަށާއި، (ށ) ގެ ގޮތަށް އަމުރުކުރަން ޖެހޭކަން ދައުލަތުން ދަށުކޯޓުގައި ނުބުނާ ކަމަށެވެ.

ޖަދުވަލު 1 ގައިވާ މަސްތުވާއެއްޗެއް އެތެރެކުރުމުގެ ދަޢުވާގައި، ތުހުމަތުކުރެވޭ ފަރާތަކީ ޤާނޫނުލްޢުޤޫބާތުގެ 62 ވަނަ މާއްދާގެ ދަށުން ދަޢުވާ ބަލައިގަތުމަށް ނުކުޅެދުމުގެ ދިފާޢު (unfitness to plead) ލިބިގެންވާ ފަރާތެއްތޯ، އަދި ކްރިމިނަލް ކޯޓުން ހަމައެކަނި ޚަބީރަކު ދިން އެއް ޖަވާބަށް ބަލައި ދަޢުވާ ބެލޭނެ ތަނެއް ނެތްކަމަށް ނިންމުން ރަނގަޅުތޯ.

ދަށުކޯޓުގެ ނިންމުން ބާޠިލު، ހެކި ހާމަކުރުމުގެ މަރުޙަލާއިން ފެށިގެން ބެލުމަށް ކްރިމިނަލް ކޯޓަށް ތަޙްވީލުކުރި

ހައިކޯޓުން ދެކެވަޑައިގަތީ ޚަބީރަށް ކުރެވުނު އެއް ސުވާލުގެ ޖަވާބަށް އެކަނި ބަރޯސާވެފައިވާ ކަމަށާއި، މުޅި ރިޕޯޓާއި ހެކިބަހުން ދައްކަނީ ދަޢުވާގެ ބާވަތާއި މަޤްޞަދު ފަހުމްވާ ކަމާއި 'މެލިންގަރިންގް' ފާހަގަކޮށްފައިވާ ކަމަށާއި، ހައިކޯޓުގައި ތުހުމަތުކުރެވޭ ފަރާތުގެ ޢަމަލުތަކުންވެސް އެކަން ދޭހަވާތީ ދިފާޢު މަދަނީ މިންގަނޑުން ސާބިތުނުވާ ކަމަށެވެ.