ޕްރޮސިކިއުޓަރ ޖެނެރަލް ވ. (ކުޑަ ކުއްޖެއް) ނަން އުނިކުރެވިފައި

ކޮމިޝަނުގެ ސިޓީއަށް ރިޢާޔަތްކޮށް، ކުއްޖާ ރިމާންޑް ޖަލުން ޝަރުޠުތަކާއެކު ގޭބަންދަށް ބަދަލުކުރުމަށް ޖުވެނައިލް ކޯޓުން އަމުރުކުރިއެވެ.

ތޫނު ހަތިޔާރު ބޭނުންކޮށްގެން ގްރޫޕް މާރާމާރީ ހިންގައި މީހަކު މަރުވި މައްސަލައެއްގައި ތުހުމަތުކުރެވޭ ކުއްޖަކު ޝަރީޢަތް ނިމެންދެން ރިމާންޑް ޖަލުގައި ބަންދުކޮށްފައި ހުއްޓައި، އައްސޭރި ޖަލުގައިވާ ކުޑަކުދިންގެ ޖަލަކީ ކުޑަކުދިން ބޭތިއްބުމަށް އެކަށީގެންވާ ތަނެއް ނޫން ކަމަށް ހިއުމަން ރައިޓްސް ކޮމިޝަނުން އެންގިއެވެ.

ގޭބަންދަށް ބަދަލުކުރީ ކުޑަކުދިންގެ ޢަދުލުގެ ޤާނޫނާއި ސުޕްރީމް ކޯޓާއި ހައިކޯޓުގެ ސާބިޤާތަކާ ޚިލާފަށް ކަމަށާއި ކަރެކްޝަނަލް މަރުކަޒުތަކާބެހޭ މާއްދާއަށް ރިޢާޔަތްނުކޮށް ކަމަށް ޕްރޮސިކިއުޓަރ ޖެނެރަލް ބުންޏެވެ.

ތޫނު ހަތިޔާރު ބޭނުންކޮށްގެން ގްރޫޕް މާރާމާރީ ހިންގައި މީހަކު މަރުވި މައްސަލައެއްގައި ޝަރީޢަތް ނިމެންދެން ރިމާންޑް ޖަލުގައި ބަންދުކޮށްފައިވާ ކުއްޖަކު، ހިއުމަން ރައިޓްސް ކޮމިޝަނުގެ ސިޓީއަށް ބިނާކޮށް ގޭބަންދަށް ބަދަލުކުރި ޖުވެނައިލް ކޯޓުގެ އަމުރު ޤާނޫނާ އެއްގޮތްތޯ.

ޖުވެނައިލް ކޯޓުގެ އަމުރު ބާޠިލު

ކޮމިޝަނުން ދިން މުއްދަތާއި ޤާނޫނުން މަރުކަޒުތައް ޤާއިމްކުރަން ދިން މުއްދަތު ފާއިތުވެފައިނުވާއިރު، ތުހުމަތުކުރެވޭ ޢަމަލުގެ ބާވަތާއި އަނިޔާވެރިކަމަށް ބަލާއިރު ކުއްޖާ ބަންދުން ދޫކުރުމަކީ މުޖުތަމަޢުގެ ސަލާމަތަށް ނުރައްކާވެދާނެ ކަމެއް ކަމަށް ބަލަންޖެހޭތީ އަމުރު ބާޠިލުކުރެވުނެވެ.