ޕްރޮސިކިއުޓަރ ޖެނެރަލް ވ. ޢިމްރާން ވަޖުދީ

ބަންދުގެ މުއްދަތު އިތުރުކުރުމަށް ފުލުހުން އެދުމުން، "އިތުރަށް ބަންދުކުރަންޖެހޭ ސަބަބެއް ނެތުމުން" ކަމަށް ބަޔާންކޮށް، ކްރިމިނަލް ކޯޓުން ޝަރުޠުކޮށް ބަންދުން ދޫކޮށްލުމަށް އަމުރުކުރިއެވެ.

ޕޯސްޓް މެދުވެރިކޮށް ގެނައި ޕާރުސަލެއްގައި މަސްތުވާތަކެތި ކަމަށް ޝައްކުކުރެވޭ އެއްޗެއް ހުރިކަމަށް ފާހަގަކުރެވި، ކަސްޓަމްސްގެ ވަގުތީ ޓެސްޓް ކިޓުން އެން.ޕީ.އެސް އަށް ޕޮޒިޓިވްވުމުން، ކޮންޓްރޯލް ޑެލިވަރީ އޮޕަރޭޝަނެއްގައި ޕާރުސަލް ނެގި ތުހުމަތުކުރެވޭ ފަރާތް ހައްޔަރުކުރެވި ބަންދުގައި ބެހެއްޓި މައްސަލައެކެވެ.

ދައުލަތުން ބުނީ ކުށް ސާބިތުކުރެވޭ މިންވަރަށް ހެކި ހުރިކަމަށާއި ކުށަކީ މުޖުތަމަޢަށް ނުރައްކާތެރި ކުށަކަށްވާތީ ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ށ) ގެ (1) އާއި (4) ގެ ދަށުން ޝަރީޢަތް ނިމެންދެން ބަންދުގައި ބަހައްޓަންޖެހޭ ކަމަށާއި، ޤާނޫނުއަސާސީގެ 143(ރ) އަށް ރިޢާޔަތް ނުކުރާ ކަމަށެވެ.

ޕޯސްޓް މެދުވެރިކޮށް މަސްތުވާތަކެތި އެތެރެކުރިކަމުގެ ތުހުމަތުގައި ބަންދުގައި ހުރި މީހަކު ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާއާ ޚިލާފު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ޕާރުސަލްގައި ހުރި މާއްދާއަކީ ކޮބާކަން ފުލުހުންނަށް އަދިވެސް ހޯދިފައި ނެތުމުން، ތުހުމަތުކުރެވޭ ފަރާތާ ކުށާ ގުޅުވައިދޭ އެކަށީގެންވާ މިންވަރެއްގެ ހެއްކެއް ނުލިބޭތީ، ދޫކޮށްލުމުގެ އަމުރަށް ބަދަލު ގެންނަންޖެހޭ ސަބަބެއް ނުފެނުނެވެ.