ޢަބްދުﷲ ސަޢީދު ވ. ޕްރޮސިކިއުޓަރ ޖެނެރަލް

ސ. ހިތަދޫ މެޖިސްޓްރޭޓް ކޯޓުން ޝަރީޢަތް ނިމެންދެން ނުވަތަ ޝަރީޢަތުން އިތުރު ގޮތެއް ކަނޑައަޅަންދެން ބަންދުކުރުމަށް އަމުރުކުރިއެވެ.

މަސްތުވާތަކެތި ޓްރެފިކްކުރުމުގެ ތުހުމަތުގައި ބަންދުގައިވާ ފަރާތެއްގެ ބަންދު ދެވަނަ ފަހަރަށް އިތުރުކުރުމަށް ފުލުހުން ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 60 ވަނަ މާއްދާގެ (ކ) ގެ ދަށުން ޝަރީޢަތް ނިމެންދެން ބަންދުކުރުމަށް އެދުނެވެ.

އިސްތިއުނާފުކުރި ފަރާތުން ބުނީ ޝަރީޢަތް ނިމެންދެން ބަންދުކުރުމުގެ އިޚްތިޔާރު ތަޙްޤީޤުގެ ކުރީކޮޅު ބޭނުންކުރުމަކީ މިނިވަންކަމުގެ ޙައްޤު ގެއްލޭ ކަމެއް ކަމަށެވެ.

މަސްތުވާތަކެތި ޓްރެފިކްކުރުމުގެ ތުހުމަތުގައި ބަންދުގައިވާ މީހަކު ޝަރީޢަތް ނިމެންދެން ބަންދުގައި ބެހެއްޓުމަށް ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ކ) ގެ ދަށުން މެޖިސްޓްރޭޓް ކޯޓުން ނެރުނު އަމުރަކީ މިނިވަންކަމުގެ ޙައްޤާ ޚިލާފު، ޤާނޫނާ ޚިލާފު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ކުރިން ބަންދުކުރީ 60 (ބ) ގެ ދަށުން ކަމުން ދެން ގޮތް ކަނޑައަޅަންވާނީ (ޅ) ނުވަތަ (ކ) ގެ ދަށުން ކަމާއި، ޓްރެފިކްކުރުމަކީ ޖިނާއީ ބޮޑު ކުށަކަށްވެ އެކަށީގެންވާ ހެކި ލިބިފައިވާތީ ދޫކޮށްލުމަކީ މުޖުތަމަޢުގެ ސަލާމަތަށް ނުރައްކަލެއް ކަމަށް ކޯޓުން ނިންމިއެވެ.